Búgin Almaty qalasynyń jergilikti áskerı basqarý organdarynda Qazaqstan Respýblıkasynda dinı ekstremızm men terrorızımge qarsy is-qımyl jónindegi memlekettik baǵdarlamasyna sáıkes «Áskerı qyzmetshilerdi jáne olardyń otbasy múshelerin dinı-ekstremızm men terorızmniń destrýktıvti ıdeologıa yqpalynan saqtaý jáne túsindirý» taqyrybynda onkúndik ótti, dep habarlaıdy Qamshy.kz aqparat agenttigi.

Onkúndiktiń basty maqsaty – elimizdegi dinı ekstremızm kórinisteriniń aldyn alý jáne terorızm qaterlerine jol bermeý arqyly adamnyń, qoǵamnyń memlekettiń qaipsizdigin qamtamasyz etý, áskerı qyzmetshilerdiń dinı saýattylyqtaryn kóterý. Sonymen qatar, dinı ekstremızm men terorızmniń kórinisterin, sonyń ishinde jergilikti áskerı basqarý organdary qyzmetin qamtamasyz etý júıesin jetildirý jolymen anyqtaý men jolyn kesýdiń tıimdiligin arttyrý. Onkúndikti ótkizý barysynda Almaty óńirlik garnızony Áskerı polısıa jasaǵy bastyǵynyń orynbasary podpolkovnık Tleýjanov G. «Qazaqstan Respýblıkasyndaǵy dinı uıymdar týraly» taqyrybynda dáris ótkizdi. Dáriste ekstremıztik jáne terorıstik áreketterdiń saldarlary týraly vıdeorolık kórsetildi. Atalǵan onkúndikte eń aldymen áskerı qyzmetshiler ortasynda dinı ekstremızmniń aldyn alýdy kúsheıtý qajettiligine, sondaı-aq dinı sananyń qalyptasýyna erekshe nazar aýdaryldy. Sondaı-aq dinı eksremızm men terorızmge qarsy is-qımyl boıynsha aǵymdaǵy jaǵdaıdy taldandy.

Atap ótetin jáıt, dinı eksterımzge qarsy is-qımyl boıynsha Almaty qalasynyń jergilikti áskerı basqarý organdary men Almaty óńirlik garnızonynyń Áskerı polısıa jasaǵy turaqty túrde tyǵyz jumys jasap keledi.

Qarlyǵash Musabekqyzy

Almaty qalasy qorǵanys isteri jónindegi departamenti