Qazaqstannyń bıznes qoǵamdastyǵynyń ókilderi aǵymdaǵy jyly sáýirde Dýbaı qalasynda ótetin Annual Investment Meeting ınvestısıalyq forýmyna qatysady. Bul týraly «Kazakh Invest» Basqarma Tóraǵasy Saparbek Tuıaqbaev jáne QR-daǵy BAÁ Elshisi Mohammad Ahmad Aldjaberdiń Astanadaǵy kezdesýi barysynda belgili boldy, dep habarlaıdy Qamshy.kz aqparat agenttigi.

Dýbaı q. sáýir aıyndaǵy forým kezinde Qazaqstannyń ınvestısıalyq múmkindikteriniń prezentasıasy jasalyp, QR-ǵa ınvestısıa salýǵa múddeli ámirlik kompanıalarmen birneshe eki jaqty kezdesýler ótedi.  

Óz kezeginde, búgin Astanada «Kazakh Invest» tarapynan aldyn ala Birikken Arab Ámirlikteri bıznesmenderiniń odan ári zerdeleýi úshin jalpy somasy shamamen 20 mlrd. AQSH dollaryn quraıtyn 20 negizgi jobalar boıynsha ınvestısıalyq usynystar berildi.

Sondaı-aq taraptar kezdesýde elder arasyndaǵy ınvestısıalyq yntymaqtastyqty jandandyrý boıynsha odan arǵy naqty qadamdardy belgiledi, logıstıka, týrısik klaster, AÓK jáne basqa saladaǵy birlesken jobalardy iske asyrý múmkindikteri talqylandy.

«Biz AÓK jobalaryna, atap aıtqanda organıkalyq óndiriske, sondaı-aq Qazaqstannyń logıstıkalyq jobalaryna ınvestısıa salýǵa  daıynbyz», - dep erekshe atap ótti, QR-daǵy BAÁ elshisi Mohammad Ahmad Aldjaber.

 «Al Khaleej Sugar»  kompanıasy  Ońtústik Qazaqstan oblysynyń Shardara ýdanynda iri qant zaýyty qurylysy boıynsha ınvestısıalyq jobany iske asyrýǵa qyzyǵýshylyq bildirýde. Aldyn ala esep boıynsha zaýyttyń qurylysyna 375 mln. AQSH dollaryn jumsaý josparlanýda.

Kezdesý qorytyndylary boıynsha «Kazakh Invest» Basqarma Tóraǵasy Saparbek Tuıaqbaev jáne QR-daǵy BAÁ Elshisi Mohammad Ahmad Aldjaber  úkimetaralyq deńgeıde ınvestısıalar týraly kelisim jasasý múmkindigin qarastyrýǵa daıyn ekendigin aıtty.

Sonymen qatar, qysqa merzimde birlesken Jol ınvestısıalyq kartasyn ázirleý jáne turaqty negizde kezdesýler ótkizý týraly sheshim qabyldandy. Sóıtip, kelesi birlesken is-sharany ótkizý aqpannyń sońyna josparlandy.