Neslıhan shashyn shaınaýdy, buǵan qosa shaınaǵan saǵyzdaryn jutýdy ádetke aınaldyrǵan. Túrkıadaǵy Koná qalasynyń 12 jastaǵy turǵyny Neslıhan Karakoch úsh jyl boıy ishiniń aýyratynyn aıtyp shaǵymdanǵan, dep Qamshy.kz aqparat agenttigi 24.kz súıenip jazady. 

Alaıda sońǵy kezde qyzdyń aýrýy asqynyp, ata-anasy ony dárigerge aparýǵa týra kelgen. 

Jergilikti aýrýhananyń hırýrgy Búlent Erenoglý 12 jastaǵy qyzdy qarap, qaryn bóliginiń nyǵyzdap qataıǵanyn baıqaıdy. Tomografıa túsirilip, keıin qyzǵa operasıa jasalady. 

Onyń asqazanynan 2 keli 800 gram bolatyn shash pen saǵyzdan quralǵan massa shyqqan. Al balanyń ishinen shyqqan kesektiń dıametri 20 santımetrdi quraǵan. 

Neslıhan óziniń shashyn shaınaýdy, buǵan qosa shaınaǵan saǵyzdaryn jutýdy ádetke aınaldyryp kelgen eken.

"Ol 50-ge jýyq saǵyz jutqan, sonyń saldarynan asqazanyndaǵy jutqan shashtary qatty massaǵa aınala bergen. Neslıhan ishiniń qatýyna, qarnynyń aýrýyna jáne nashar tábetine shaǵymdanǵan. Al negizi shashty jeý — ol aýrý. Ony medısınada trıhotıllomanıa dep ataıdy", – deıdi Búlent Erenoglý.