Murat Hızmetov Kásiporynnyń úzdik qyzmetkerleri Túrkıa, Arab Ámirlikterine joldamamen marapattalatynyn aıtty, dep jazady Qamshy.kz aqparat agenttigi.
Bul týraly Almaty qalasynyń Óńirlik komýnıkasıalar qyzmetiniń alańynda Almaty kópir qurylmalary zaýyty dırektorynyń áleýmettik máseleler jónindegi orynbasary Murat Hızmetov baıandady.
Onyń aıtýynsha, «Almaty kópir qurylymy zaýyty» JSHS 1963 jyly qurylǵan jáne búginderi Respýblıkamyzda jol-qurylys salasyndaǵy júıe túzýshi kásiporyn bolyp tabylady.
Kásiporyn 500-den asa qyzmetker eńbek etip keledi. Zamanýı materıaldyq baza arqasynda «AZMK» JSHS eleýli óndiristik jetistikterge jetý múmkindigine ıe boldy. Bizdiń qyzmetkerlerimizdiń densaýlyǵy zaýyt basshylyǵynyń basty nazarynda turǵan másele. Sondyqtan da, áleýmettik salaǵa erekshe nazar bólinedi. Jyl saıyn osy maqsatta biz 60 mln. teńgeden astam qarajat bólip kelemiz,-dedi ol óz sózinde.
Kásiporynda óz medısınalyq ortalyǵymyz qyzmet etedi. Jyl saıyn kásiporyn esebinen profılaktıkalyq medısınalyq tekserýler ótkiziledi. Ár qyzmetkerge medısınalyq karta ashylǵan jáne kásiporynnyń medısınalyq qyzmetkerleri árbir jumyskerimizdi saýyqtyrý boıynsha úlken profılaktıkalyq jumystar júrgizip otyrady,-dep habarlady.
Onyń aqparatynsha, uyzmetkerlerge qamqorlyq kórsetýge qaraı, adam densaýlyǵyna qajet barlyq jaǵdaılar jasalǵan. Jumys berýshi men eńbek ujymy arasynda qarym-qatynasty retteýshi 12 bólimnen turatyn ujymdyq shart jasalǵan.
Zaýyt asqanasy jumyskerlerdi kalorıasy joǵary taǵamdarmen qamtamasyz etedi. Ujymdyq shartqa sáıkes túski astyń 50%-yn kásiporyn tóleıdi.
Shashtaraz qyzmet kórsetedi. Áıelder jáne erlerdiń shashtaryn qysqartý boıynsha sheber jumys isteıdi. Jumyskerlerge qyzmet kórsetetin dúken jumys jasaıdy.
Trenarjerlary bar, saýnasy men baseıni, demalys bólmesi men fıtobary bar fıtnes klýb qyzmet kórsetedi. Jattyǵýdy kásibı nusqaýshy júrgizedi.
Qyzmetkerlerimizben arada, olardyń eńbek demalystary kezinde elimizdegi shıpajaılarda demalýyna sharttar jasalǵan,-dep sózin tolyqtyrdy.
Kásiporynnyń úzdik jumyskerleri Túrkıa, Arab Ámirlikterine joldamalarmen marapattalyp, yntalandyrylady. Sońǵy 2 jylda týrısik joldamamen bizdiń 46 qyzmetkerimiz demalyp keldi, al ótken jyly 35 qyzmetkerimiz qarqyndy damyp kele jatqan elimizdiń bas qalasy – Astanaǵa demalyspen baryp qaıtty.
Almaty qalasy Densaýlyq saqtaý basqarmasynyń uıymdastyrýymen ótetin «Asyl Alma» qalalyq baıqaýynyń qorytyndysy boıynsha «AZMK» JSHS «Kásiporynda salaýatty ómir saltyn saqtaýǵa jaǵdaı jasaıtyn úzdik jumys berýshi» nomınasıasynda eki jyl qatar 1-orynǵa ıe bolatyndyǵyn atap aıtty ol.
Kásiporynda jyl saıyn ótkiziletin dıagnostıka barysynda áleýmettik dertterdiń biri bolyp tabylatyn «týberkýlez» kásiporyn jumyskerleri arasynda aıqyndalǵan joq.
Biz, Qazaqstanda atalǵan syrqatty dıagnostıkalaý men emdeýge búdjetten aýqymdy qarajat bólinetindigin jáne bul baǵytta biregeı baǵdarlama jumys isteıtinin bilemiz,-dep sózin aıaqtady M.Hızmatov.
