Qazaqstan bireýdiń eski-qusqysyn kıip alyp, ony aınalasyna «jańa» dep sendirgisi keletin bala sıaqty.

SHQO-ǵa gollıvýdtyń bir top tanymal akterlerin bastap kelgen Kerı Tagava Óskemendegi meshitke kirip, alaqan jaıyp, «duǵa qylypty».

Óńir basshysy Danıal Ahmetovtiń  de qabyldaýynda bolǵan. Maqsattary, Altaı óńiri týraly 4-bólimnen turatyn derekti fılm túsirip, NAT-GEO men BBC arnasy arqyly kórsetý eken.

Bir qyzyǵy, álgi Qazaqstan azamattyǵyn alýǵa nıet bildirgen Kerı Tagava deıtin sabaz, eki jyl buryn hrıstıan shirkeýine kirip shoqynyp turyp, Reseıdiń tólqujatyn alýdy armandaıtynyn aıtqan.

Akterdiń qaı áreketine senemiz?! Japondyq akterdiń dinı kózqarasynda sharýam joq. Tek, bul SHQO oblysynyń bújdetine túsiriletin telejobam «sátti ótip ketsin» degen, onyń kózboıaýshylyq áreketi ǵana.

Ras, olar 90-shy jyldary álemge tanyldy, 2000-shy jyldardyń basynda birshama sátti fılmderge tústi. Biraq, búginde tek qosalqy róldermen kóńilin jubatyp júrgen juldyzdar.

Keıde maǵan Qazaqstan bireýdiń eski-qusqy kıimin kıip alyp, ony aınalasyndaǵylarǵa «jańa» dep sendirgisi keletin bala sekildi kórinedi.

Gollıvýdtyq ataqtylardyń 4 serıaly derekti fılm úshin az aqsha almaıtyny belgili. Sol qarajatty zamanaýı teleónim túsirýge qabiletti, eýropa men amerıkalyq aýdıtorıaǵa ótimdi keıipkerlerdi tarta alatyn shyǵarmashylyq topqa tapsyrsa bolar edi.

Ótkende, nasharlaý qyzmeti úshin Elbasynan sóz estigen Danıal kókem, Mark Dakaskos, Kerı Tagava, Erık Roberts, Baı Lınniń arqasynda ózine de shaǵyn pıar jasap aldy. Qoıshy. Qaıda barsań da, Qorqyttyń kóri...

Serik Noıanbaıulynyń  Facebook-taǵy jeke paraqshasynan alyndy.