Oblystyq jáne aýylishilik joldardy jóndeýge jergilikti búdjetten jyl saıyn 25 mlrd teńgeden astam qarjy bólinip, jergilikti joldardyń 78%-iniń jaǵdaıy birshama jaqsardy. Bul týraly oblys ákimi Amandyq Batalovtyń turǵyndar aldyndaǵy esep berý jıynynda aıtyldy, - dep habarlaıdy Qamshy.kz aqparat agenttigi Almaty oblysy ákiminiń baspasóz qyzmetine silteme jasap.

«Nurly jol» baǵdarlamasynyń aıasynda álemdik zamanaýı standarttarǵa sáıkes «Batys Eýropa – Batys Qytaı», «Almaty – Taldyqorǵan» avtokólik joldary jasaldy. Ótken jyldyń ózinde ǵana kólik qyzmetiniń kólemi  10%-ǵa ósip, 500 mlrd teńgege jetken.

Osy jyly «Taldyqorǵan-Óskemen», «Úsharal-Dostyq», «Uzynaǵash-Otar», «Kúrti-Býrylbaıtal» avtokólik joldarynyń qurylysy bastalyp, sonyń nátıjesinde óńirdiń tranzıttik áleýeti burynǵydan da arta túspek.

Jalpy Almaty oblysyndaǵy avtokólik joldarynyń uzyndyǵy 9334 shaqyrym bolsa, sonyń 6788 shaqyrymy – jergilikti mańyzdaǵy joldar.