Facebook qoldanýshysy Serikjan Mámbetalın óziniń jeke paraqshasyna Atyraý oblysynyń eks-ákimi Bergeı Rysqalıevtiń Ulybrıtanıada turyp jatqanyn jazdy, dep habarlaıdy Qamshy.kz aqparat agenttigi. Aıta keteıik, jaqynda Sybaılas jemqorlyqqa qarsy ulttyq búro Rysqalıevti tergeýge shaqyrǵan bolatyn.

«Men 90-shy jyldardyń basynda, shaǵyn bıznespen aınalysqan kezde, Batystyń bir jigitimen tanystym. Esimi Bergeı bolatyn. Sodan beri árqaısymyz óz jolyn tańdap júrdik, tek jaqynda Londonda kezdesip qaldyq. 

Kesheden beri jemqorlyqqa qarsy is-qımyl Agenttigi Bergeı Rysqalıevti tergeý máselesimen Astanaǵa shaqyryp jatyr. 

Bergeı ákim bolyp taǵaıyndalýynyń aldynda salyq deklarasıasyn jarıalap, baı bıznesmen bolǵanyn dáleldedi. Ol ıemdengen zaýyttar, munaı ken oryndary jáne dúken jelileriniń quny – 150 mıllıon AQSH dollaryna jýyq. 

Atyraýda ákim bolǵan kezinde men Londonda ómir súrdim. Biraq, jergilikti turǵyndardyń aıtýynsha, ol kisi jumysyn adal jáne tıimdi atqarǵan.

Óńirdi gaz jáne sýmen qamtamasyz etip, jańa kópirler salǵan, kalanyń joldary rettelip, aýdandarǵa deıin jańa joldardy saldyrǵan. Búgin de atyraýlyqtar Bergeı turaly jaqsy jyly pikirde.

Bergeı Rysqalıev pen onyń aǵasyna qatysty sybys kóp.  Onyń qazirgi jaǵdaıy jaqsy, ol Ulybrıtanıada saıası bosqyn mártebesin alǵan. Aǵylshyn zańy boıynsha, Astanaǵa kelip jemqorlyqqa qarsy kúres agenttigine jaýap bere almaıdy. Biraq, meniń oıymsha, skaıp arqyly túsinikteme berýge múmkindigi bar. Onyń kináli nemese kinásiz ekenin tek táýelsiz sot sheshe alady. Ondaı sot Qazaqstanda eshqashan bolmaǵan. Al Bergeı Sáýlebaıulyna qoıar suraqtaryńyz bolsa, pikir qaldyryńyz, ol oqyp jaýap beredi dep úmittenemin», — dep jazady Serikjan Mámbetalın.