Jyldaǵy dástúrinen jańylmaǵan Astana qalasyndaǵy Sáken Seıfýllın mýzeıi Aqpan aıynyń 25-i kúni  qazaq eliniń asyl perzenti, ádebıetimizdiń negizin qalaýshylardyń biri, aqyn, jazýshy, sazger, memleket jáne qoǵam qaıratkeri Sáken Seıfýllınniń qaza bolǵan kúnine arnalǵan «Er esimi – el esinde» atty eske alý keshin ótkizdi, dep habarlaıdy Qamshy.kz aqparat agenttigi. 

Úsh ǵasyrdyń kýási bolǵan ǵımaratta ornalasqan S. Seıfýllın mýzeıi aqyn atyn ardaqtaý jolynda kóptegen is-sharalardyń uıytqysy bolyp júr.

Jyl boıy belgilengen ýaqyttarda qala mektepteri men oqý oryndarynda kezdesýler men keshter uıymdastyrylyp, kórmeler ótkizilip turady.

«Er esimi – el esinde» eske alý jıyny aqyn eskertkishine gúl shoǵyn qoıý rásiminen bastaldy. Sáken eskertkishiniń aldynda alǵashqy sózdi  mýzeı dırektory Nesipbek Aıtuly bastap, aqyn rýhyna arnalǵan óleńder oqydy.  Estelikter aıtty. Gúl qoıý rásiminen keıin kópshilik keshti mýzeıdiń májilis zalynda jalǵastyrdy.   

Zal ishinde Sáken Seıfýllın mýzeıiniń alǵashqy dırektory Roza Asylbekova, sákentanýshy ǵalym Amantaı Káken, belgili ǵalym Serik Negımov sóz alyp, aqyn ómiri týraly, mýzeı tarıhy jaıly áńgime órbitti. Tulǵa jaıynda oı tolǵady. Al belgili kúıshi Janǵalı Júzbaı Sákenniń ákesi Seıfýllanyń kúıi týraly syr shertti. Kóptegen derekter aıtyp, áńgime aýanyn ǵylymı talqyǵa aınaldyrdy.

Astana qalasy 42 mekteptiń oqýshylary aldyńǵy býyn aǵalardyń ónegesin tyńdap, Sáken týraly málimetke qanyqty. Sonymen birge atalmysh mekteptiń 7-synyp oqýshy Dıana Nurıdın men Ábilhaıyr aqyn óleńderin oqyp berdi.

Kesh sońynda mýzeı qyzmetkerleri kelgen qonaqtarǵa ekskýrsıa júrgizdi.