Brıtandyq ǵalymdar ıtterdiń adamnyń túrine qarap, onyń ashýly nemese kóńildi ekenin ajyrata alady degen qorytyndyǵa keldi.
The Independent basylymynyń jazýynsha, zertteý barysynda ıtter adamnyń túrin este saqtap, keıin ony ashýly nemese kóńildi túrde túsken sýreti bar sensorlyq ekranda tabýy kerek bolǵan.
Eger adam ıtke kóńildi túrmen kóringen bolsa, ıtter ekrandaǵy kóńildi sýretti tańdap basqan. Al adamnyń qabaǵy qatýly bolǵan jaǵdaıda, ıtter ekrandaǵy ashýly túsken sýretti tańdaǵan.
Itterdiń ár durys jaýaby úshin yntalandyrý retinde tamaq berip otyrǵan. Osylaısha ıtterdiń durys jaýaby 65-80%-dy quraǵan.
Biraq ǵalymdar áli ıtterdiń adamnyń kóńil-kúı aýanyn túrine qarap qalaı ajyrata alatynyna jaýap taba almaı otyr. "Kazınform"
