Almaty polısıasy joǵalyp ketken stýdent Aıtolqyn Erjandy Almaty irgesindegi "Bereke" aýylynan tapty. Bul týraly qalalyq İİD baspasóz qyzmeti habarlady. 17 jastaǵy Aıtolqyn men 18 jastaǵy jigit osy ýaqytqa deıin jeke úıdi jaldap deıin turǵan. Boıjetken úıinen óz erkimen ketkenin, ony barlyǵy izdep jatqanyn bilgendigin jetkizdi. Eshkimniń tapqanyn qalamaǵan Aıtolqyn telefonyn ádeıi óshirip tastaǵan. "Aıtolqyn 2 aqpan kúni oqý ornynan shyǵyp ketken, sodan beri eshkim kórmedi. Medeý aýdandyq polısıaǵa anasy Rıta habarlasqan. Kámeletke tolmaǵan jas bala joǵalǵan soń, izdestirý isi birden qolǵa alyndy. Quramyna tájirıbeli krımınıalıster kirgen arnaıy jedel top quryldy. Qyzdyń aınalasyndaǵy qurbylarynan, týystarynan suraq-jaýap alyndy. Anasy ol Murat Naýryzbek degen jigitpen kezdesýge ketýi múmkin ekendigin aıtqan edi. Bul kezdesýge anasy ruqsat bermegen kórinedi", - dedi Medeý aýdandyq ishki ister basqarmasynyń basshysy Erlan Oralbekov. Týǵandary Aıtolqyn Erjannyń joǵalǵany týraly áleýmettik jelilerde habarlaǵan. Ol bazar aýdanynda jumys isteıtin 1996 jyly týǵan Murat Naýryzbekovpen "Drýgvokrýg" áleýmettik jelisi arqyly tanysqan kórinedi. Qazir Aıtolqyn aman-saý ata-anasyna jetkizildi.

"Kazınform"