Resmı Astana 2022 jylǵy Olımpıada oıyndaryn ótkizýden bas tartty. Bul týraly Qamshy.kz portaly habarlaıdy.
2022 jyly Olımpıada oıyndary Qazaqstanda, Astana jáne Almaty qalalarynda ótkiziledi dep josparlanǵan. Alaıda, Olımpıadany ótkizýge resmı Astana qatyspaıtyn boldy deıdi "Almaty 2022" Olımpıada oıyndarynyń uıymdastyrý komıteti vıse-prezıdenti Andreı Krúkov.
Al osy senbi kúni HOK (Halyqaralyq olımpıada komıteti) músheleri Olımpıada oıyndary nysandaryn, daıyndyq jumystaryn baǵalaý isini kirisip te ketken.
2014 jyldyń jeltoqsan aıynda Elbasy Nursultan Ábishuly Olımpıada oıyndaryn ótkizý quqyǵy Qazaqstanǵa beriletin bolsa, eki qalada birdeı ótkizýimiz kerek. Qalalardyń arasy 1,2 myń shaqyrym bolǵanymen, bul eshqandaı kedergi keltirmeıdi degen bolatyn.
Qazirgi tańda Olımpıada oıyndary ótkizilýi tıis 14 nysannyń 8-i qoldanysqa tolyǵymen daıyn. Taǵy 3 birdeı nysan 2017 jyly qoldanysqa beriletin bolady.
Halyqaralyq olımpıada komıtetiniń baǵalaý komısıasy músheleri naýryz aıynyń 24-28 aralyǵynda Olımpıada oıyndaryn ótkizýge úmitker ekinshi qala - Beıjińge attanady. Al, Olımpıada oıyndaryn ótkizý quqyǵynyń qaı qalaǵa beriletini 31 shildede Kýala-Lýmpýrda ótetin Halyqaralyq Olımpıada Komıtetiniń kezekti sesıasynda belgili bolmaq.
