"Qazaq handyǵynyń 550 jyldyǵyna" arnalǵan resmı logotıp shyqty, - dep habarlaıdy Qamshy.kz portaly.

Shańyraq – memlekettiń túp-negizi – otbasynyń beınesi.

Shańyraq – Kún sheńberi. Aınalǵan Kún sheńberiniń qozǵalystaǵy sýreti ispetti, Shańyraq – kıiz úıdiń kúmbezi kóshpeli túrkiler úshin úıdiń, oshaqtyń, otbasynyń beınesi delingen logotıp týraly túsiniktemede.

Nurǵa malynǵan altyn kún tynyshtyq pen baılyqty beıneleıdi. Kún – qozǵalys, damý, ósip-órkendeýdiń jáne ómirdiń belgisi. Kún – ýaqyt, zamana beınesi. Qanatyn jaıǵan qyran qus – bar nárseniń bastaýyndaı, bılik, aıbyndylyq beınesi. Ulan-baıtaq keńistikte qalyqtaǵan qyran QR-nyń erkindik súgish asqaq rýhyn, qazaq halqynyń jan-dúnıesiniń keńdigin pash etedi.

Kók tús jáne onyń túrli reńki adaldyq, senimdilik, úmit sıaqty adamgershilik qasıetterge saı keledi. Ejelgi túrki tilinde “kók” sózi aspan degen uǵymdy bildiredi. Kók tús túrki halyqtary úshin qasıetti uǵym. Kógildir tús Qazaqstan halqynyń jańa memlekettilikke umtylǵan nıet-tileginiń tazalyǵyn, asqaqtyǵyn kórsetedi dep qorytýǵa bolady.