Belgili telejúrgizýshi jáne prodúser Baıan Esentaeva "KeshYOU" tobynyń jańa quramymen tanystyrdy.

"Keshú tobynyń jańa ánshilerimen tanystyrǵym keledi. Aqbota Seıtmaǵambet, 18 jasta. Chaıkovskıı atyndaǵy mýzyka kolejiniń stýdenti. OQO Kentaý qalasynyń týmasy. Ol - bizdiń úlken úmitimiz!", - dep jazdy prodúser foto kommentarıine.

Esentaeva tanystyrýyn ary qaraı jalǵastyrdy.

"Baljan Bıdash, 19 jasta. Elebekov atyndaǵy estradalyq-sırk kolejiniń stýdenti. Túrli baıqaýlardyń laýreaty. Shyǵarmashylyq januıada týǵan. Syr eliniń talantty týmasy, bolashaǵy jarqyn, maqsaty aıqyn!", - dep qosty ol.

"Juldyz Ómirǵalı, 19 jasta. Rysqulov atyndaǵy UEÝ-da "álemdik ekonomıka" mamandyǵy boıynsha bilim alýda. Almaty oblysynda, Uzynaǵashta, sýretshiler januıasynda týǵan. Daryndy qyz!", - dedi prodúser.

Atap ótý kerek, jańa quramdaǵy top 13 aqpanda Almatyda ótken Eskendir Hasanǵalıevtiń shyǵarmashylyq keshinde óner kórsetti.

Eske sala keteıik, toptaǵy ózgerister týraly Baıan Esentaeva aǵymdaǵy jyldyń basynda habarlaǵan.

Toptyń burynǵy ánshisi Kámshat Joldybaeva jeke án salyp, Aıdana Medenova dızaınerlik qyzmetpen aınalysatyn boldy. Buryn bul top quramynda Móldir Áýelbekova, Ánel Arynova jáne Janar Duǵalova bolǵan.