Semeıde keıýana 40 jastaǵy balasyn arnaıy adam jaldap óltirgen. Bul týraly Qamshy.kz portaly YK.news.kz-ke silteme jasaı otyryp habarlaıdy.
SHQO, Semeı qalasynyń turǵyny kúıeýimen birge óziniń birinshi nekesinen týǵan 40 jasar ulyn óltirýge adam jaldaǵan. Tapsyrmany oryndaýshylar (kıller) áýeli nysandy urlap, el kózinen jasyryn jerge aparyp, azaptap óltirgen.
SHQO mamandandyrylǵan aýdanaralyq soty qanisher anany 19 jylǵa, onyń jubaıyn 10 jylǵa bas bostandyǵynan aıyryp, qatań rejımdi túzetý kolonıasyna jiberýge sheshim shyǵarǵan. Al, tapsyrmany oryndaýshy jendetterdi 18 jylǵa temir torǵa toǵytýǵa úkim etilgen.
Sot otyrysy kezinde qanisher ana Alevtına Ivanova balasynyń sońǵy kezderi nashaqorlyqqa salynyp, óziniń ekinshi nekesinen týǵan, kámelet jasqa tolmaǵan qyzyna zorlyq kórsetkenin, únemi aqsha talap etip, ishimdikke salynyp, ózine kúsh qoldanǵandyǵymen aqtalǵan.
Alǵashqyda Ivanovanyń uly Sergeı anasymen birge turǵan. Keıin, ol baspanany ózine qaldyrýyn talap etken. Kúndelikti urys-keristen sharshaǵan áıel arnaıy adamdar jaldap, shekten shyqqan ulyn tártipke salmaqshy bolypty. Tipti, kúıeýi úsh jigitti jaldaǵanymen nátejıesiz bolǵan. Aqyry amaly qalmaǵan áıel ulyn óltirýge sheshim qabyldap, jendet jaldaıdy. 150 myń teńgege kelisken jendetter Sergeıdi aýyldan 12 shaqyrym jerge aparyp, aıaýsyzdyqpen óltirgen.