Mynaý jazyq, anaý qum, qyrattarda, Sonaý taýlar kóz jetpes uzaqtarda, Meniń Ata – babamnyń basy jatyr, Barshasyna syılaı kór Jumaqty Alla. Sol babalar dańqy áli umtylmaýda, Ór maqtanysh bastap júr ultymdy alǵa, Tarıhym bar erliktiń ısi ańqyǵan , Batyr halyq qylypty jurtymdy Alla. Bir zamandy, keri zaman almastyrdy, Kúshtiler álsizderdi jalmap tyndy, Bilge qaǵan, Kúltegin qaǵanatyn Kereı menen Jánibek jalǵastyrdy. Sodan soń Buryndyq han atqa qondy, El bılep otyz bir jyl taqta boldy. Qasym han jer keńeıtip, el kóbeıtip, Qazaqqa salyp ketti qasqa joldy. Mamash , Tahır, Buıdashtaı handar ótti, Eldi myqty qylsaq dep arman etti. Ahmet han, Toǵym han jerdi saqtap, Haqnazar el nyǵaıtyp alda bopty. Shyǵaıdan soń Táýekel el basqardy, Sol tusta Baba sultan jer jastandy. Esim hannyń kezinde el kúsheıip, Oısyrata jeńipti Oırattardy. Qaıyp hannyń tusynda dalamyz baı. Bolat han men maqtandy Qazaq udaı, Jáńgir han men Áz - Táýke arman etken, Úsh júzdiń basyn qosty han Abylaı. Solar salǵan adaspaı sara joldan, Halqyna kemel basshy dara qorǵan, Nursultandaı ul berdi Alla bizge Qazaqqa han, Alashqa aǵa bolǵan. Eı, Allam óziń saqta jurtymdy aman, Halqyma máńgi beıbit týsyn zaman. Nur aǵamyz bastaǵan Nurly jolmen, Búgingiden bıiktep tursyn baǵam. Amın... Tilek Muratuly – 1991 jyl Shyǵys Túrkistannyń Altaı aımaǵy Qaba aýdanynda Sarbulaq aýylynda dúnıege kelgen. Birneshe respýblıkalyq jyr múshaıralarynyń júldegeri. Qazir Qarasaı aýdany Ortalyq kitaphanasynyń ádiskeri. Ómirlik ustanymy : «Ár Qazaq meniń jalǵyzym»(Sabyr Adaı).