Qazaqstandyqtar ákimshilik polısıa qyzmetkerleriniń áreketterin uıaly telefon nemese basqa da gadjet kómegimen túsirip alýlaryna bolady, dep habarlady İİM ákimshilik polısıa komıtetinen.

"Eger polıseılerdiń áreketteri Ákimshilik quqyq buzýshylyq týraly Kodekstiń 21 babymen retteletin ákimshilik buzýshylyq isteri boıynsha óndiristi júrgizýmen baılanysty bolmasa, ákimshilik polıseılerdiń áreketin foto- jáne beıne taspaǵa jazyp alýǵa zańmen tyıym salynbaıdy", - delingen seısenbi kúni 365info.kz saıtynda jarıalanǵan habarda.

QR ÁQBtK 21 baby boıynsha eger iste memlekettik qupıaǵa qatysty, sondaı-aq ómirdiń tósekke qatysty, ashynalyq, jeke ómirge qatysty, komersıalyq nemese zańmen qorǵalatyn qupıaǵa qatysty málimetter bolatyn bolsa, ol jerde foto- beınetaspaǵa túsirýge tyıym salynady.

Mysaly, jeke almasylǵan habarlar, telegraftyq habarlar tek osy suhbatty júrgizgenderdiń kelisimimen ǵana jarıa etilýine bolady. Onyń ústine, ákimshilik óndiristiń kez kelgen qatysýshysy ınspektordan túsirýlerge shekteý qoıýyn suraı alady. nur.kz