Ánshi Álı Oqapov pen dırektory Erlan Alımov resmı túrde jańa jobalaryn tanystyrdy.

Ánshi men dırektory  keshe  arnaıy tilshilermen kezdesý ótkizip, resmı túrde jobalarynyń atyn jarıalap, birge suhbat berdi. Kezekti jańa jobasy birneshe kún buryn ǵana aıaqtalǵan «Qazaqstan daýysy» megajobasynyń fınalısti Indıra Edilbaeva esimdi jas arý. Endi Indıranyń mýzykalyq prodúseri Álı Oqapov, al prodúseri  Erlan Alımov.

Álı Oqapov:  "Jalpy Indıramen tanys bolǵanymyzǵa 2 jyldaı ýaqyt boldy. Bir –birimizdi ortaq tanystarymyz arqyly biletinbiz. Osydan birneshe aı buryn dırektorym Erlan maǵan «jańa joba alaıyq» dep usynys jasaǵan bolatyn. Sodan biz ǵalamtor arqyly kastıng jarıaladyq. Nátıjesinde 400-ge jýyq hattar men usynystar kelip tústi. Ókinishke oraı kóbisi durys shart boıynsha jibermegen. Durys hat jibergenderdiń ishinen Indıranyń hatyn qabyldadyq. Alǵashynda tań qaldym. Sebebi, men osyǵan deıin Indıranyń jeke ánshi retinde bizben jumys istegisi kelgendigin bilgen joqpyn. Erlanǵa «Indırany tańdaımyn» dep aıttym. Keıinnen kezdesip, sóılesip, qandaı adam ekenin, minezin, josparlaryn bilgen soń osyndaı ortaq sheshimge keldik." dedi.

Baistars.kz