Ulybrıtanıa parlamentiniń depýtattary bastaýysh mekteptiń baǵdarlamasyna seksýaldyq tárbıe berý sabaqtaryn engizý qajet dep sanaıdy. Olardyń oıynsha, balalar tek erkek pen áıel arasyndaǵy jynystyq qatynas týraly ǵana emes, bir jynystylar arasyndaǵy seks jaıynda da bilýi tıis. "Sonyń arqasynda pedofıldik áreketter sıaqty qylmystardan saqtanýǵa bolady", - deıdi olar. Sky News telearnasynyń habarlaýynsha, búginde halyq qalaýlylary jastardyń seksýaldyq saýattylyǵyn kóterý salasyndaǵy memlekettiń jumysyna qanaǵattanbaı otyr. Olardyń aıtýynsha, bastaýysh jáne joǵary synyptardyń oqýshylary ondaı aqparatty bilýge quqyly. Biraq olardyń seks-sabaqtarǵa barý-barmaýyn ata-analar sheshýi tıis. Depýtat Grem Stúarttyń sózine qaraǵanda, seks týraly aqparattyń arqasynda jastar óz densaýlyǵyn saqtap qana qoımaı, qaýipsizdik sharalaryn da saqtaı alady. Máselen, bastaýysh synyp oqýshylary sol sabaqtar arqyly jynystyq qatynastyń qaı túri durys ekenin biledi. Sóıtip, kámelet jasqa tolmaǵandarǵa qatysty seksýaldyq eksplýatasıanyń aldyn alýǵa bolady. Qazir brıtan mektepterinde seksýaldyq qatynas máselesi tek jaratylystaný ǵylymdary aıasynda ǵana kóteriledi. Onyń ózi "jynystyq qatynas arqyly beriletin aýrýlar" taqyryby kezinde 14-16 jastaǵy oqýshylarǵa oqytylady. Ulybrıtanıanyń bilim mınıstrligi atalǵan pándi engizýge qarsy emes. Alaıda oǵan deıin atalǵan sabaqty oqytýdyń sapasyn kóterip alǵan jón.

"Alash aınasy"