Kásipqoı boks salasynda Amerıkada baq synap júrgen Qanat Islamdy bilmeıtin qazaq kemde kem. Ult namysyn tý etken oǵlan týraly búgingi taraǵan aqparat talaı qazaqtyń júregin aýyrtty. Qaýesettiń aýany «Qanat Islam 1 naýyryzda ótetin jekpe-jekke qarjynyń joqtyǵynan qatysa almaıtyn bolǵan» kórinedi. Esterińizde bolsa osydan sál buryn Qanattyń endigi kezdesýi Máskeýde ótetindigi habarlanǵan.Qarsylasy Argentınalyq Gýıdo Nıkolas ekendigi de jarıa bolyp edi.
«Qamshy» portalyna suhbat bergen Qanat Islamnyń aıtýynsha, másele múldem qarjyǵa baılanysty emes. Kerisinshe 1 naýyryzdaǵy kezdesý reseılik komandanyń qalaýy boıynsha sheshilip ketken. Soǵan baılanysty keıbir kelisim-sharttar eki jaqtyń úddesinen shyqpaǵan. Iaǵnı Qanat pen onyń komandasynyń talap-tilegi men pikirleri múldem eskerilmegen. Al reseılikter bolsa aqparatty bárin óz qalaýlary boıynsha sheship tastaǵan kemshilikterinen emes, «Qanattyń qarjysy joq» degen qaýesetke ákelip tiregen. Máskeýdegi jekpe-jektiń ótpeı qalýyndaǵy negizgi sebep – osy. Al Qanat Islamǵa áýel bastan belgili mesenat, ult patrıoty Baýyrjan Ospanov basshylyq etetin «Jer-Sý» korporosıasy qarjylyq demeý kórsetip keledi. Sondyqtan «Qanat qarjy joq bolǵandyqtan jekpe jekke qatysa almaıtyn boldy deý» múldem shyndyqqa janaspaıdy.
Qanattan bilýimizshe, ol asyly aldaǵy 22-23 naýyryzda Kolýmbıada ótetin jekpe jekke daıyndalyp júrgen. Tipti oǵan deıin Amerıkanyń ózinde bir kezdesý bolýy da múmkin. Ol týraly da kelisimder jasalyp jatqan kórinedi.
