Assalaýmaǵaleıkým! Paıǵambarymyz (s.a.s.) kóptegen soǵystarǵa qatysqany belgili. Biraq osynda bir másele bizge suraq týyndatyp otyr. Paıǵambarymyz (s.a.s.) sol soǵys kezderinde nemese basqa shabýyldarda ózi adam óltirgen be? Iaǵnı, onyń qolynan adam qaıtys bolǵan ba? Keıbireýler ony tek qana soǵysqa qatysqan, biraq adam óltirmegen deýde. Osyǵan qatysty oqıǵalardan, hadısterden dálelder keltirip jaýap berseńizder eken! Allah razy bolsyn! Shynar.
Sol sátterde Paıǵambarymyz (s.a.ý.) qasyndaǵy biraz sahabalarmen taýǵa shyǵady. Úbáı ıbn Halaf astyndaǵy atymen Paıǵambarymyzdyń artynan qýyp jetip: «Eı, Muhammed! Ne sen ólesiń, ne men ólemin?!», - dep oǵan qaraı shaba jóneledi. Sahabalar ony toqtatpaq bolǵanda, Alla elshisi: «Tımeńder!» deıdi de Ál-Harıs ıbn as-Sımma atty sahabanyń naızasyn alyp, jaqyndap kelgen Úbáıdyń moınynan bir urady. Úbáı atynan domalap túsedi[2]. Paıǵambarymyzdyń soqqysyn aýyrsynyp shydaı almaǵan Úbáı ógizshe ókiredi.
Osy kúıi qasyndaǵy jendetteri járdemge kelip, ony kóterip alyp ketedi. Onyń bul qylyǵyn qasyndaǵylary túsinbeı: «Bolmashy jaraǵa bola, nege sonsha qınaldyń?! - dep aıtady. Sonda Úbáı olarǵa: «Onyń naızasy turmaq túkiriginiń ózi tıgende meni óltiretin edi» - deıdi yńyrsyp. Naızanyń tıgen jerinen kóp qan syrtqa shyqpaı, ishine uıyp, irińdeıdi. Osynyń áserinen kóp uzamaı Ýbáı óledi[3].
[1]Ýhýd soǵysy - mıladı jyl sanaýy boıynsha 625 jyly, Arab jarty aralynyń soltústik batysynda ornalasqan Ýhýd taýynda oryn aldy (Hıjrı 3-jyl). Ábý Sýfıan bastaǵan Mekke múshrıkteri men Medıne qalasynyń musylmandary arasyndaǵy bolǵan soǵys. [2] Ibn Hıshám: Maqtálý Ýbaı ıbn Halaf. [3] Abdýrrazzaq – ál-Mýsannaf, Kıtabýl Maǵazı. Ýaqatý Hýzáıl bır Rajı.; ál-Báıhaqı – Dáláılý án-Nýbýýá – ǵazýatý Ýhýd.
