Eýrazıa birinshi arnasyndaǵy «Qaıyrly tań» baǵdarlamasynda qonaq bolǵan zamanaýı jyraý, jýrnalıs Jan Ahmadıev áleýmettik jelidegi kóp talqylanǵan daýly vıdeoǵa baılanysty pikir bildirdi. «Jezókshelerdi» qamshymen sabaǵanyna ózi ókinbeıtin sekildi.

«Kelesi joly jezóksheler kóshege shyǵýdan qorqatyn bolady. Sebebi olar qamshymen sabap ketpeıdi me eken dep ár klıentinen qorqatyn bolady», - deıdi Jan Ahmadıev.

Buǵan qosa bolashaqqa josparlarymen bólisken ol ózin depýtat retinde kóretinin aıtyp qaldy.

«Sońǵy kezde osyndaı usynystar kóbeıip ketti. Depýtat bolsam, biraz nárse ózgerter edim. Qazirgi tańda ondaı adamdar mundaı qyzmetke belgili bir maqsatty, óziniń jeke basynyń qamyn kózdep barady.  Men qarapaıym halyqtyń ortasynda júrgennen keıin halyqpen birge bolǵyń keledi. Átteń-aı deısiń, qolda kishkene bılik bolsa, ózgerister jasar edim. Birinshiden qazaqtyń dárejesin kóterer edim. Qazaq stoıankada jumys isteıdi, qazaq – kúzetshi, qazaq kim – qazaq kondýktor. Sonda qazaq basqa jumys jasaı almaı ma? Maqsatym – qazaqtyń sózin sóıleý, qazaqtyń jyrtysyn jyrtý», - deıdi zamanaýı jyraý.

Aıta keteıik, naýryzdyń aıaǵynda Jan Ahmadıevtiń «jezókshelerdi» qamshymen sabaǵan vıdeosy áleýmettik jelide tarap, qoǵam pikiri ekige bólingen. Bir bóligi zamanaýı jyraýdy qoldap, isin durys dese, endi biri muny qara pıarǵa balady. Al birneshe kúnnen keıin vıdeonyń aldyn ala josparlanǵany ári ondaǵy «jezóksheler» Ahmadıevtiń áıeli men tanystary bolyp shyqqany anyqtalǵan.