Ortalyq komýnıkasıalar qyzmetinde QR Investısıalar jáne damý mınıstri Jeńis Qasymbek Memleket basshysynyń «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Qazaqstan halqyna Joldaýy aıasynda ónerkásip, kólik jáne logıstıkalyq ınfraqurylymdy sıfrlandyrý, qurylys pen komýnaldyq sektorǵa zamanaýı tehnologıalardy engizý, turǵyn úıge qoljetimdilikti qamtamasyz etý men jergilikti joldar jelisin damytý boıynsha júrip jatqan jumystarǵa baılanysty baspasóz konferensıasyn ótkizdi. 

Onyń aıtýynsha, baǵdarlamany oıdaǵydaı iske asyrýdyń nátıjesinde  2017 jyly óńdeý ónerkásibiniń ósimi 5,1%-ǵa jetti. Bıyl jyl sońyna deıin 1 trln teńge qarjyǵa 150 jańa jobany iske qosý josparlanyp otyr. Onda shamamen 15 myń turaqty jumys orny ashylady.

«Memleket basshysynyń tapsyrmasyna sáıkes, jańa jahandyq tehnologıalyq trendterdi eskere otyryp, úshinshi besjyldyqtyń Tujyrymdamasyn ázirleýge kiristik. Ol ónerkásipti sıfrlandyrýǵa jáne jańa tehnologıalardy engizýge baǵyttalǵan. Bul jumysqa bıznesti, ǵylymı orta men sarapshylardy tarttyq. Tujyrymdamany jyl sońyna deıin bekitýdi josparlap otyrmyz»,-dep atap ótti Jeńis Qasymbek.

«Sıfrly Qazaqstan» memlekettik baǵdarlamasyn iske asyrý aıasynda ónerkásip kásiporyndaryn sıfrlandyrýdyń birqatar pılottyq jobasyn iske qosamyz. Olar sıfrly tehnologıany engizý múmkindigin kórsetetin alań bolady. Mınıstrlik avtomobıl, temirjol jáne áýe kóligi salalaryna aqparattyq júıe engizý jumystaryn belsendi túrde júrgizip jatyr.

«Nurly jer» baǵdarlamasyn iske asyrýdyń nátıjesinde 100 myńnan astam otbasy jańa baspanaǵa qol jetkizdi.

2017 jyldyń qorytyndysy boıynsha Qazaqstanda paıdalanýǵa berilgen turǵyn úı kólemi 11 mln sharshy metrden asty. Iaǵnı, 2016 jylǵa qaraǵanda 6,2%-ǵa joǵary. Turǵyn úıge qoljetimdilikti qamtamasyz etý maqsatynda arzan qurylys pen ıpotekalyq kredıt berý máseleleri boıynsha jumys júrgizemiz. 2030 jylǵa qaraı turǵyn úı kórsetkishin bir turǵynǵa shaqqanda 30 sharshy metrge deıin jetkizý josparlanýda.

Komersıalyq bankter bıyl qurylys salýshylarǵa 70 mlrd teńgege sýbsıdıalanatyn nesıe beredi. Memleket basshysy jarıalaǵan «Bes áleýmettik bastamany» iske asyrý aıasynda osy aıda jańa «7-20-25» ıpotekalyq baǵdarlamasynyń normalaryn esepke ala otyryp, «Nurly jer» baǵdarlamasyna ózgeris engiziledi.

«Bul mehanızm arqyly árbir jumys isteıtin adam nesıege páter satyp ala alady. Qazaqstandyqtardyń kóbiniń tıimdi sharttar arqyly baspana satyp alýǵa múmkindigi bolady. Bıylǵy jyldyń ekinshi jartysynda barlyq sanattaǵy azamattar úshin alǵashqy arzan ıpoteka beriledi»,-dedi mınıstr Jeńis Qasymbek.

Qazirgi ýaqytta jańa baǵdarlamany neǵurlym tıimdi iske asyrý úshin talaptaryn jeńildetý boıynsha Ulttyq Bank bank Qazaqstan Respýblıkasynyń zańnamasyna birqatar túzetýler daıyndap jatyr.

Mınıstr Jeńis Qasymbektiń aıtýynsha, Aýyldyq eldi mekenderdi ortalyqtandyrylǵan aýyz sýmen jabdyqtaý qoljetimdiligin 59%-ǵa, al qalalarda 94%-ǵa jetkizý josparlanýda (aýyldar úshin -57,4 %, qalalar – 93,8%). Bıyl aýyldy jerlerdi sýmen jabdyqtaýdy damytýǵa shamamen 100 mlrd. teńge qarastyryldy (QR IDM - 68,2 mlrd teńge, QR ASHM – 14,8 mlrd teńge, jergilikti búdjet – 22 mlrd teńge).

2017 jyly tasymaldanǵan tranzıttik konteınerler sany 347,5 myń jıyrma fýttyq ekvıvalentti qurady (jospar – 320 myń JFE). Bul 2016 jylǵymen salystyrǵanda 30%-ǵa artyq (244 myń JFE). 2020 jyly tranzıtti konteınerler tasymal kólemin  jylyna 2 mln. konteınerge deıin jetkizý josparlanyp otyr.

Óńirishilik mobıldilikti arttyrý maqsatynda Memleket basshysy jergilikti jol jelisin jóndep, qaıta jańartý úshin qarjylandyrý kólemin ulǵaıtýdy tapsyrdy. Bul baǵyttaǵy jumystar belsendi túrde atqarylýda.

«Bıyl qarjylandyrý kólemi 85 mlrd teńgeni qurady. 2018 jylǵy búdjetti naqtylaý kezinde mınıstrlik qosymsha 30 mlrd teńge bóldi.

Oblys ákimdikteri de jergilikti búdjetten qarjy qarastyrdy. Jalpy, qarjylandyrý kólemi 145 mlrd. .eńgeni quraıdy, ol 4 myń shaqyrym joldy jóndeý jumystaryna jumsalady. Aldaǵy jyldary qarjylandyrý somasy 150 mlrd. teńgege deıin jetkiziledi. Ol qarjyǵa jyl saıyn shamamen 5 myń shaqyrym jol jóndeledi»,-dedi Jeńis Qasymbek.

Bıyl «Nurly Jol» baǵdarlamasyn júzege asyrý aıasynda 4,2 myń shaqyrym respýblıkalyq mańyzy bar avtojoldar jáne 3 myń shaqyrym jergilikti jeliler rekonstrýksıalanady. Qabyldanǵan sharalar aldaǵy jeti jylda jergilikti joldardyń 85%-yn jaqsartýǵa múmkindik beredi.

Óz kezeginde mınıstrlik avtojoldardy salýǵa bólingen qarajattyń tıimdiligi men ashyqtyǵyn baqylaýdy kúsheıtedi.