"Qazaqstanda jasalǵan" degen uranmen ótken aksıaǵa belgili akter, telejúrgizýshi Tusynbek Qabatov qatysty.

Ázilkesh ártis otandastaryn jarqyraǵan jarnamaǵa aldanbaýǵa úndedi.

"Ózimizdiki tańerten shyǵarylsa, keshke dúkenderdiń sórelerinde turady. Al shet elden kelgender, syrttan kelgenderdiń jarnamalary aıǵaılap turǵanmen, ol bizge kelgenshe 10 kún, dúkenderge qoıylǵansha, taǵy 10 kún, ol ol jerde taǵy qansha kún turdy, taǵy bilmeımiz. Jarnamasyna baılanysty biz qyzyǵyp alyp jatamyz. Al ózimizdiń otandyq ónimderdi alatyn bolsaq, olar jańa, ári taza. Sondyqtan men óz basym otandyq ónimderdi qoldaımyn", - deıdi shoýmen Tursynbek Qabatov.

Kóńildi tapqyrlar klýbynyń keshegi beldi akteri, reseılik dostarynyń Qazaqstannan baratyn bazarlyqty asyǵa kútetindigin aıtady.

"Árbir oıynǵa qaljyńmen qosa, qazaqstandyq ónimdi arqalap barýǵa týra keletin", - deıdi akter.

"Kezinde Reseıge KVN-ge baryp júrgen kezimizde bizdi sol jaqtyń KVN-shıkteri, basqa ulttyń ókilderi bizdi kádimgideı búıtip qarsy alatyn. Bizge aıtatyn, qazaqstandyq ónim keremet dep. Men ony eshqandaı maqtap jatqanym joq, qosyp jatqanym joq", - dedi Qabatov. "Astana arnasy"