Almatyda «Kókjıek» yqsham aýdanynda ornalasqan kópqabatty úı órtenip, 300 adam evakýasıalandy dep habarlady Qamshy.kz aqparat agenttigi ishki ister mınıstrliginiń tótenshe jaǵdaı komıtetine silteme jasaı otyryp.
Almaty qalalyq tótenshe jaǵdaı departamentiniń habarlaýynsha, saǵat 16:03-te «Kókjıek» yqshamaýdanyndaǵy №32 úıde ornalasqan páterdiń balkonynan órt shyqqany týraly habar túsken. Oqıǵa ornyna órt sóndirýshiler baryp, kópqabatty úıdegi órtti sóndirýge kirisken.
Áleýmettik jelide oqıǵa kýágerleri jarıalaǵan vıdeolardyń birinde alty qabatty úıdiń orta tusynda eki qabattyń órtenip jatqany, taǵy bir vıdeoda joǵary qabaty janyp jatqany kórinedi.
