Qostanaıdaǵy MART saýda jáne oıyn-saýyq ortalyǵynan órt shyǵyp, kúzetshilerdiń biri zardap shekti dep jazady Qamshy.kz aqparat agenttigi Alaý portalynyń deregin negizge ala otyryp. 

Órt búgin tańerteń saǵat altynyń shamasynda jertóledegi dárihanadan shyqqan.  

Qostanaı oblysy TJD órt sóndirý jáne apattan qutqarý jumystary qyzmeti habarlaýynsha, kompúterdiń júıelik blogy men sóreler órtengen.    

«Órt 3 sharshy metrge sharpydy. Qyzyl jalyndy órt sóndirýshiler kelgenshe MART saýda jáne oıyn-saýyq ortalyǵynyń kúzetshisi sóndirdi», — dep habarlady vedomstvo.

Qostanaı qalalyq aýrýhanasy travmatologıa bóliminiń meńgerýshisi Maral Ábilqasymovanyń málimetinshe, saýda ortalyǵy kúzetshilerin birinshi-ekinshi dárejeli kúıik shalǵan. Er adam aýrýhanaǵa ózi baryp, medısınalyq kómek alǵan, ol ambýlatorıalyq jaǵdaıda emdelýge jiberildi. 

MART saýda jáne oıyn-saýyq ortalyǵynda birneshe kún buryn oqý-jattyǵý ótken bolatyn.