Qazaq handyǵynyń 550-jyldyǵynyń logotıpin jasaqtaý baıqaýynda jeńiske jetken adamdy qaralap jatqandardyń barlyǵy qyzǵanýshylyq pen saýatsyzdyqtyń áserimen ol azamattyń qandaı ekendigin bilip, túsinýleri qajet.

Qazaq handyǵynyń 550-jyldyǵy logotıpiniń avtory – Almaz Shákenuly Nurazhan ulttyq baıqaýdy jeńip alǵan kezdeısoq adam emes. Bul adam árqashanda shyǵarmashylyq izdenistegi azamat. Ol memlekettik atrıbýtıka men Qazaqstannyń Elordasyn, basqa da qalalaryn bezendirýde qoldanylyp júrgen shyǵarmashylyq jumystardyń avtory.

Qazaq handyǵynyń  550-jyldyǵyna arnalǵan logotıpti jasaqtaý baıqaýyna kóptegen ulttyq, tipti halyqaralyq deńgeıdegi kórmeler men baıqaýlardyń jeńimpazy qatysqandyǵy tańqalarlyq jaǵdaı emes.

Ol logotıptiń 20-dan asa ártúrli úlgisin jasap, baıqaýdyń qazylaryna usyndy. Ádil qazylar alqasy olardyń bireýin tańdap aldy. Bul jeńis – ujymdyq sheshim. Onyń ózge úlgileri de óte qyzyq, mazmundy, ulttyq sıpat pen qazaqstandyqtardyń súıispenshiligine ıe. Olardyń ınternet jelisinde keńinen taralýy, azamattardyń ol logotıpterdi basty sýret retinde qoldanylýy olardy shyǵarmashylyq daryn ıesi jasaǵandyǵynyń taǵy bir dáleli.

Sondyqtan da Nurazhandy qaralap jatqan adamdardyń barlyǵy – eleýge turmaıtyn baqtalastar ǵana jáne sanaly, oıshyl adamdar olarmen eshqashan da kelispeıdi.