«Nur Otan» partıasynyń janyndaǵy mádenıet pen ónerdi damytý máseleleri jónindegi «Mıras» qoǵamdyq keńesiniń májilisinde belgili jazýshy Ákim Tarazı tarıhymyzdyń keminde eki myń jyldan asatyn mejeni quraıtynyn jetkizdi.

«Men 550 jyldyq mejeni qazaq handyǵynyń emes, «qazaq» dep atala bastaýymyzdyń mereıtoıy dep oılaımyn. Halyq bir túnniń ishinde joq bolyp ketip, qaıtadan paıda bolmaıdy», - dedi jazýshy.

Onyń aıtýynsha, qazaq jurtynyń ataýy áldeneshe ret almasyp, nesheme memlekettik qurylymdarǵa aıdar bolǵan.

«Bizdiń buryn eki ataýymyz boldy: Osydan 2200 jyl buryn «kún» dep ataldyq. Kúnge tabynǵanbyz. Sosyn, kókke tabynyp, kúnge aı men juldyzdardy qosyp alyp, «kók túrikter» boldyq. Iaǵnı, «turyq» degen sózden shyqqan. Munyń bárin qamtyp, men tarıhshy ǵalym, tiltanýshy Nıkıta Bıchorınniń kitabyn eki ret basyp shyǵardym. Muny ózimniń qazaq tarıhyna qosqan úlesim dep bilemin», - dep oı tarqatty Á.Tarazı.

«Botahannan sanaǵanda 2200 jyl, sonan beri jasap kele jatqan halyqpyz. Qazirgi sanaqty Qozybasyda anttasyp, qazaq ordasyn quryp, qazaq atanǵanymyzben eseptep otyrmyz. Áıtpese, tamyrymyz tereńde jatyr. Osyny aıtýly sharany merekeleý barysynda umytpaıyq. Shara mazmunynda eskerip otyraıyq», - dep túıindedi jazýshy.

Condaı-aq, Á.Tarazı «Mırastyq» zıalylardyń osyndaı aıtýly sharalardy ótkizý barysynda ysyrapshyldyqqa jol bermeı, sán-saltanattan buryn tárbıelik jáne ıdeologıalyq quraýyshty kúsheıtý jónindegi usynysyna qosylatynyn jetkizdi.

Eske sala keteıik, Mádenıet pen ónerdi damytý máseleleri jónindegi «Mıras» qoǵamdyq keńesi 2010 jyly qurylǵan bolatyn. Búginde Keńes tanymal memleket jáne qoǵam qaıratkerleri mádenıet pen óner salasyndaǵy memlekettik saıasattyń iske asyrylýy boıynsha usynymdar ázirleıtin bedeldi alań bolyp tabylady.