Iraqtaǵy "IM "terorıstik uıymynyń sapynda júrgen Reseı azamattarynyń sany 2 myńǵa jetken. Bul týraly RF FSB dırektory Aleksandr Bortnıkov málimdedi, - dep habarlaıdy Qamshy.kz portaly. Osy kúnge deıingi resmı statısıkaǵa súıensek, Sırıa men Iraqtaǵy halıfatshy terrorısterdiń sany byltyrǵymen salystyrǵanda eki esege artqan. "Bizge eń birinshi saqtyq kerek. Egerde sodyrlar elge qaıtyp jatsa, olardy qatań baqylýada ustaýymyz kerek. Bul qandaı da bir terrorlyq árekettiń aldyn alýymyzǵa múmkindik beredi. Sondaı-aq, Islam halıfatshylarynyń qataryna attanyp jatqan azamattardyń jolyn der kezinde bógeý jáne olardy qylmystyq jaýakershilikke tartý kerek",- dedi Aleksandr Bortnıkov. Búginde álemniń 100 elinen 20 myńǵa jýyq azamat ISHIM-niń qataryna qosylǵan. Osyǵan oraı, AQSH astanasy Vashıngtonda Prezıdent Barak Obamanyń ınısıatıvasymen jedeldetilgen forým ótken bolatyn. Forýmǵa 60 memleketten delegattar qatysty. Forým barysynda Sırıa men Iraqtaǵy "Islam halıfatyn" qurýdy kózdegen, "Islam Memleketi" degen atpen belgili terorıstik uıymmen kúres barysy talqylandy. Búgingi kúnde "IM"-niń asa jaýyz jendetteri myńdaǵan beıbit turǵyndardy óltirgen.