Aqtóbe qalasynyń turǵyndary turǵyn úılerdegi lıftterdiń jaǵdaıy múshkil ekenin jetkizdi. 12 yqsham aýdanynyń turǵyny 1993 jyly salynǵan úıdiń lıftine bir de bir ret jóndeý jumystary júrgizilmegenin aıtty.

«Yntymaq» páter ıeleriniń kooperatıvi «lıftke jaýap bermeımiz» dep tonyn ala qashady, nátıjesinde zardap shegetin – turǵyndar: besik arba ustaǵan analar, qart kisiler t.b.», - dep ashyndy turǵyndardyń biri.

Olar lıftke jaýap beretin bir adamnyń bolǵanyn talap etip otyr. Sebebi lıfttiń eń bolmaǵanda eki aı istep turýy úshin turǵyndar óz qaltalarynan aqsha shyǵaryp, jóndeý jumystaryna kirisip ketedi. Alaıda olardyń qaýipsizdigine jaýap beretin eshkim joq. Telejúrgizýshi qyzdyń jaǵdaıy bizdiń de basymyzdan qaıtalana ma dep ár kúni úreılenip otyrady.

«Lıftte qamalyp qalǵan kezderimiz kóp bolǵan. Balalar qatty qorqady, kóbine baspaldaqpen shyǵady. Biraq mektepten qaıtqanda aýyr sómkelerimen lıftke minýge týra keledi», - deıdi turǵyndar.

Aıta keteıik, sáýirdiń basynda telejúrgizýshi Aızat Ábdisamat lıftke kirip bara jatqanda, lıfttiń esigi jabylyp, júrip ketken. Nátıjesinde jýrnalıs esikke qystyrylyp, oqıǵa ornynda mert boldy.