Qaraǵandylyq jas ónertapqysh tirek-qımyl músheleri jaraqattanǵan  adamdar úshin ekzoskelet qurylǵysyn jasady.

Intern-hırýrg Vácheslav Lıtvınov «TMD-ǵa 100 ıdeıa» halyqaralyq kórmesine qatysady, onda ol tirek-qımyl múshelerine zaqym kelgen  adamdarǵa  jáne óz erkimen qozǵalý múmkindigin joǵaltqan adamdar úshin ekzoskeletterdi qalpyna keltirýdiń portatıvti úlgilerin jasaý jáne iske asyrýǵa baǵyttalǵan jobasyn usynady.

Lıtvınov Qaraǵandy memlekettik medısına ýnıversıtetiniń 6-shy kýrs stýdenti jáne ol baıqaýǵa Qazaqstannyń atynan shyǵatyn  jalǵyz ónertapqysh emes.

Qazaqstan delegasıasynyń quramynda serpindi jáne ınovasıalyq ıdeıalary bar 10 adam bar. Olar Qazaqstan Respýblıkasy Din isteri jáne azamattyq qoǵam mınıstrligi jáne «Bolashaq» qaýymdastyǵy uıymdastyrǵan «Jastar Otanǵa» ınovasıalyq ıdeıalary men jobalary festıvaliniń qorytyndysy boıynsha úzdik jumystardyń avtorlary bolyp tabylady.

Atalǵan aýqymdy kórme 2018 jylǵy 11-13 sáýir aralyǵynda Mınsk qalasynda (Belarýs Respýblıkasy) ótedi. İs-shara TMD-ǵa qatysýshy memleketterdiń jastaryn elderiniń ekonomıkalary men uzaq merzimdi ınovasıalyq damý máselelerin sheshýge, ǵylymı, ınovasıalyq jáne áleýmettik-ekonomıkalyq salalardy damytýǵa úlesterin qostyrý maqsatynda uıymdastyryp otyr.  

Qazaqstannyń atynan qatysýshylar «Meniń elim Dostastyqta», «Qaýipsizdik», «Áleýmettik sala», «Jandy júıeler», «Nanosıstemalar ónerkásibi», «IT-salasy», «Avıasıa jáne ǵarysh jáne kólik júıeleri»,  «Medısına jáne densaýlyq saqtaý» nomınasıalary boıynsha ózderiniń daıyndaǵan jobalarynyń túpnusqalaryn kórsetetin bolady.