Aqtóbe ákimdigi Aqtóbe jańa eki aýdannyń «Almaty» jáne «Astana» dep ataýdyń sebebin túsindirdi. Qala ákiminiń orynbasary Gúlbarshyn Aıdarhanovanyń aıtýynsha, osy kúnderi jańa aýdandardy ataý jóninde Aqtóbede qoǵamdyq tyńdaý ótken.

«Onomastıkalyq jumys ortalyǵynan birneshe usynys kelip tústi. Usynystardyń ishinde Elek, Bógenbaı batyr, Abaı, Eset batyr jáne basqa da ataýlar boldy. Sondaı-aq «Almaty» men «Astana» ataýlaryn qoldaıtyn Aqtóbe turǵyndarynyń jazbasha túrdegi hattary keldi. Keıin qoǵamdyq talqylaý ótti, onda da osy ataýlardy qoldaǵandardyń qarasy kóp boldy. Máslıhat sesıasynda depýtattar «Astana» jáne «Almaty» ataýlaryn biraýyzdan qoldady. Endigi naqty sheshimdi respýblıkalyq onomastıkalyq komısıa qabyldaıdy. Naqty ýaqytyn aıta almaımyn», - dep túsindirdi Aıdarhanova.

Aıta keteıik, 6 sáýirde máslıhat sesıasynda depýtattar biraýyzdan Aqtóbedegi eki aýdandy «Almaty», «Astana» dep ataýdy sheshken.

Al áleýmettik jeli qoldanýshylary depýtattardyń usynysyna qarsy ekenderin jarysa jazdy, tipti olardyń kóptigi sonsha, kimniń qoldaǵanyn túsinbeı dal. Eń belsendileri aýdandarǵa eki astananyń emes, Aqtóbe tarıhyna qatysy bar ataýlardy berýdi usynyp, hat jazdy. Hat jazǵandardyń qataryna tarıhshylar, jýrnalıser, muǵalimder men ózge de ıntellıgensıa ókilderi qosyldy.