Atyraý oblysynyń qylmystyq ister boıynsha mamandandyrylǵan aýdanaralyq soty 4 jasar qyzdy zorlaýǵa áreket jasaý isi boıynsha úkim shyǵardy.

Qylmys ótken jyldyń qyrkúıeginde oblys aýdandarynyń biriniń ortalyǵynda jasalǵan edi. 38 jastaǵy mas jergilikti turǵyn balmuzdaq alyp berem dep sábıdi aldap, óz úıi aýlasyndaǵy monshaǵa kirgizgen.

Sol jerde ol qyzdy sheshindirip, qarsylyq kórsetkendikten ony urǵan. Bul ýaqytta polıseıler úlgerip kelip, monsha esigin buzyp kirip, qaskúnemdi ustady.

Sottalýshynyń kinási tolyqtaı dáleldenip, Qylmystyq kodekstiń 121-baby 4-tarmaǵy ("On tórt jasqa tolmaǵan tulǵaǵa qatysty jynystyq sıpattaǵy zorlyq áreketterin jasaý") boıynsha oǵan qatań rejımdegi kolonıaǵa 15 jyl bas bostandyǵynan aıyrý jazasy kesildi.