Aqtóbe oblysynda jer úı órtenip ketti.

Alǵa aýdanyndaǵy kúlge aınalǵan úıden orta jastaǵy áıel adamnyń máıiti tabylǵan. Al órt baspananyń tór bólmesinen shyǵypty. Sanaýly ýaqyt ishinde barlyq bólmelerdi sharpyp úlgergen.

Osy oqıǵaǵa baılanysty qaıtys bolǵan áıeldiń týystary sol úıde birge turǵan kúıeý balalarynan kúdiktenip otyr.

"Meniń apam uıyqtap jatqan. Al jıen qaryndasym bolsa kúıeýimen urysyp qalypty. Ony kúıeýi úıge kirgizbeı qoıǵan. Qaryndasymyz taksımen ájesiniń úıine barǵan boıda úıdiń órtenip jatqany týraly habar alady. Órtti qasaqana qoıǵan dep oılaımyn. Sebebi ot asúıden nemese gaz qurylǵylary turǵan jaqtan shyqpaǵan. Qonaq bólmege baryp, bireý ádeıi ot tutatpasa, qalaı janady? 54 jastaǵy qaıtys bolǵan apamyzdyń da es bilmeı uıyqtap qalǵanyna kúmándanamyz. Ony órtten qutqarýǵa bolar edi ǵoı. Terezeler de ashyq bolǵan" , - deıdi Alǵa qalasynyń turǵyny Dmıtrıı Manoılov.

Qazir osy oqıǵaǵa baılanysty tekserý jumystary júrip jatyr. Órt sóndirýshiler oblystyq ishki ister departamentine saraptama úshin qajetti materıaldardy tabystapty.