Jýyrda Qazaqstannyń eń úlken megapolısi sanalatyn - Almatyda Orta azıadaǵy eń úlken "Dóner" daıarlandy dep habarlaıdy Qamshy.kz portaly.
Qazaqstandaǵy túrik pen qazaq aspazdary birlese otyryp, Orta Azıadaǵy eń úlken túrik taǵamyn ázirlegen. Almaty qalasynda ornalasqan "Chıchek mangal" ortalyǵynda ázirlengen "Dónerdiń" salmaǵy 200 kılogramnan asady.
Arnaıy Rekordtyq kórsetkishti jańartý úshin daıyndalǵan "Dóner" taza sıyr etinen jasalǵan. Qazaq-Túrik aspazdary birge daıyndaǵan alyp "Dónerden" dám tatýǵa Túrkıanyń Almatydaǵy bas konsýly Sýphı Atan myrza arnaıy kelgen.
"Men buryn-sońdy mundaı alyp dónerdi kórmeppin. Qazaq jáne túrik aspazdary birlese otyryp daıyndaǵan bul "Dóner" Orta Azıa elderi ishinde rekordttyq kórsetkishti kórsetip otyr. Al dúnıe júziniń Gınnes rekordynda ázirlengen dónerdiń salmaǵy 250 kg bolǵan edi",-dedi konsýl Sýphı Atan.
"Bul bizdiń alǵashqy qadamymyz. Qazaq jáne Túrik elderinde, ásirese taǵamǵa kelgende talǵam óte joǵary. Túrikter tátti taǵamdardy jıi tutynatyn bolsa, Qazaq elinde et taǵamdar negizgi mázir bolyp sanalady. Bizdiń taza sıyr etinen ázirlegen dónerimiz 200 kg-dan asady. Alaıda bul rekordttyq kórsetkish emes. Aldaǵy ýaqytta Orta Azıada ǵana emes, Dúnıejúzindegi eń úlken dónerdi daıyndaıtyn bolamyz",-dedi "Chıchek mangal" ortalyǵynyń dırektory, bas aspaz Nevrýz Gúnáshev.
