"Qazaqstan" respýblıkalyq teleradıokorporasıasynyń shaqyrtýymen tanymal "Kelin" úndi telehıkaıasynyń basty rólderiniń biri, Shıva rólin somdaýshy Sıdhart Shýkhla 27 aqpan-2 naýryz aralyǵynda Astana jáne Almaty qalalaryna keledi.
2012 jyldan beri Qazaqstanda úndiniń televızıalyq kórsetiliminiń "Kelin" telehıkaıasy úzdik bolyp keledi. Ádemi keıipkerler, jaqsy dýbláj, ádemi qoıylym reıtıń kórsetkishteriniń ósýine oń yqpal jasady.
"Kelin" Úndistandaǵy tanymal telehıkaıalardyń biri. Kınoda áleýmettik dástúrler taqyryby qozǵalady. Telehıkaıa týǵan el men qara shańyraqty súıip, ata dástúrdi qurmetteýge shaqyrady. Bul turǵydan alǵanda, "Kelin" telehıkaıasy "Qazaqstan" telearnasynda efırge shyǵatyn otbasy men otbasylyq qundylyqtardy dáripteýge baǵyttalǵan otandyq "Qara shańyraq" telehıkaıasymen sátti úndesip jatyr.
Aıta keteıik, Sıdhart Shýkhla Mýmbaıda dúnıege kelgen. 2008 jyldan beri akter sheberligin shyńdap keledi. Budan buryn sán bıznesinde qyzmet atqarǵan.
"Juldyzdarmen bı bıleý" shoýyna qatysqan. Ústel tenısimen jáne fýtbolmen shuǵyldanady. 2013 jyly Úndiniń Televızıa Akademıasy Sıdhartqa "Jyl ártisi" ataǵyn bergen bolatyn. Sol jyly jyl saıynǵy "Zee Gold Awards" TV syılyǵynyń nusqasy boıynsha ol eń "deneli" akter atandy.
Úndiniń "Stardust" kıno týraly jýrnaly 2014 jyly ony kınoındýstrıad aǵy "Úmit kútetin jas akterlerdiń biri" dep baǵalaǵan bolatyn. Al Úndiniń jyl saıynǵy "Filmfare Awards" kınosyılyǵy úndi tilinde túsirilgen fılmderdegi jetistikteri úshin Sıdhartty "Erler debúti-2015" syılyǵyna usyndy.
Qazirgi ýaqytta Sıdhart úndiniń belgili prodúseri Karan Djoharmen úsh fılmge túsý úshin shartqa qol qoıdy.
