Búgin Elordasy Astana qalasyndaǵy Qazaq ulttyq Óner ýnıversıtetinde profesor, memlekettik syılyqtyń laýreanty, jazýshy-dramatýrg Ákim Tarazı stýdent jastarmen kezdesti. Kezdesý – teatr synshysy marqum Áshirbek Syǵaıdyń tól shákirtteri Mıras Ábil, Nurıslam Ábdilder júrgizetin «Es-Aımaq» stýdentterdiń mádenı-tanymdyq pikirtalas birlestiginiń  uıymdastyrýymen ótti. Atalmysh kezdesýde áserli áńgime, ásem áýen, kermek-juparly kúı, rıasyz pikir almasý boldy. Ómirden ozǵan ǵajaıyp jazýshy-dramatýrgter jaıynda da esti estelikterdi jastardyń jadynda jańǵyrtty. Ákim Tarazı búgingi dramatýrgıanyń kemshim tustaryn da tilge tıek etti. Ol bir sózinde: «Qazirgi akterlerge kóńilim tolmaıdy. Sózderi durys, bári «pravılnyı», biraq teatrdan shyqqan soń esińde eshteńe qalmaıdy»,-deıdi. Jáne de stýdenter: «Teatr synshysy Áshirbek Tórebaıulynan keıin teatr synshysy dep kimdi aıtar edińiz?», - dep qoıǵan saq saýalǵa Ákim aǵa: Men shyǵarmashylyq adamymyn, dramatýrgpyn. Men Áshirbekteı jaza almaımyn. Al, Áshirbektiń óresine jeteqabyl teatr synshysy bizde joqqa tán!, - dep qynjyldy. Basqa da óner salasyndaǵy sanada jańǵyryp júrgen saýaldaryna jastar qaýymy óz deńgeıinde jaýap aldy. Kesh sońynda jazýshyǵa shyǵarmashylyq shabyt tilegen jastar, kóterińki kóńil kúımen qımaı qoshtasyty.