Búgin Avstrıa túrmesinde óz-ózine qol jumsaǵan Rahat Álıevke osyǵan deıin qandaı aıyptaýlar taǵylǵan edi? Medısına jáne ekonomıka ǵylymdarynyń doktory, eks general-maıor Álıev 2008 jyly ózine berilgen barlyq ataq-dańq pen joǵary mánsaptan tolyq aıyrylǵan-dy. 1. 2007 jyldyń " aqpanynda Rahat Muhtarulynyń esimi elimizdegi jáne shet eldik BAQ betterinde jıi aıtylatyn boldy. Nurbanktiń iri aksıonerleriniń biri Rahat Álıevke atalmysh banktiń sol kezdegi basshylaryna qatysty uıymdasqan qylmystyq top quryp, Ábilmájin Ǵylymov (Nurbank tóraǵasy) pen Joldas Temirálıevti (onyń orynbasary) qala syrtyna shyǵaryp, kúsh qoldanǵan. Ǵylymov pen Temirálıevalardan asa iri kólemde aqsha talap etip, bar dúnıe-múlikterin Álıevtiń atyna aýdarýdy talap etken. Kórsetilgen qysymǵa shydamaǵan ekeýiniń kelisiminen keıin jónderine qoıa bergen. 2. 9 aqpan 2007 jyly Álıev Ǵylymov pen Temirálıevti qaıtadan urlap ketedi. Bul joly Temirálıev pen Ǵylymov iz-tússiz joǵalyp ketedi. 3. 2007 jyl mamyr aıynyń aıaq sheninde QR QK 125 baby, 3-tarmaǵy boıynsha "uıymdasqan qylmystyq top qurý, adam urlyǵyn uıymdastyrý, qarý qoldaný, denesine ár túrli zaqym keltirý t.b." Álıevti kináli dep tabady. 4. 2007 jyldyń 28 mamyrynda QR Bas prokýratýrasynyń sanksıasymen qazaqstandyq mamandar toby Álıevti elge qaıtarý úshin Avstrıaǵa (Vena) attanady. 5. 2008 jyldyń 15-qańtarynda Almaty qalasy, Almaly aýdanaralyq soty Álıevtiń syrtynan sot prosesin júrgizip, 20 jylǵa bas bostandyǵynan aıyrýǵa jáne dúnıe-múlkin tárkileýge sheshim shyǵarady. 6. Dál osy ýaqytta Álıev Avstrıa úkimetinen saıası pana suraıdy. Al Álıevtiń jubaıy Darıǵa Nazarbaeva sot úkimi shyqpaı jatyp kúıeýimen ajyrasyp ketedi. 7. 2008 jyldyń 20 sáýirinde QR prezıdenti N.Á.Nazarbaevtiń sheshimimen Álıevtiń barlyq nagradalary kúshin joıady. Sol jyly Avstrıa soty Álıevti qamaýǵa alyp, keıin 1 mıllıon evro kepildikpen úı qamaqqa alady. 8. 2015 jyldyń 24 aqpanynda Avstrıa túrmesinde qamaýda otyrǵan Rahat Shoraz-Álıev óli denesi tabyldy.