Qazaqtyń kásipqoı boksshysy Qanat Islam aldaǵy kezdesýlerge kıip shyǵatyn shapanyn tanystyrdy, dep habarlaıdy alaman.kz.
Qara shapanǵa kók tústi jolaq engizilip, oǵan Qazaqstan týynyń shetindegi týlar salynǵan. Arqasyna Kanat Islam degen jazý jazylyp, kók bóriniń sýreti salynǵan.
Eske sala keteıik, sharshy alańǵa shapan kıip shyǵýdy Gennadıı Golovkın dástúrge aınaldyrǵan bolatyn.
Qanat Islam kelesi kezdesýin naýryz sońynda Kolýmbıada ótkizedi. Osyǵan deıin 1 naýryzda Máskeýde argentınalyq Gýıdo Nıkolas Pıttomen kezdesetini týraly habar taraǵan. Keıin bul kezdesý bolmaıtyny habarlanǵan.
Qytaıda týǵan etnıkalyq qazaq Qanat Islam 2008 jyly Beıjiń Olımpıadasyna sol eldiń atynan qatysyp, qola júlde ıelengen.
Ol 2010 jyly Qazaqstan azamattyǵyn alyp, "Astana arlandary" klýbynda bokstasyp júrdi. Boksshy 2012 jyly London olımpıadasyna atajurtynyń atynan qatysýyna baılanysty azamattyq-quqyqtyq daý týǵan soń kásipqoı boksqa bet buryp, AQSH-qa ketken.
