Kókten týǵan nurdyń bar-tyn balasy, Sáýle túsip belgilepti dalasyn. Káýsár bulaq bólip asyl tamshysyn, Sútten quıyp árlenipti anasy. Ótken kúnde kúnniń súıgen tasy bar, Tastan týyp tizbektelgen asyldar. Asyldyǵy tán quraǵan súıekte, Býyn-býyn Qazaq desip tarsyldar. Tasqa batyp er babam kúnnen týǵan, Shashy sáýle óriminde ar býǵan. At ústinde jarqyraýdan naızasy, Buryndary Nuq toqtaǵan taý týǵan. Erke jelmen án salardaı baýlary, Alla tizgen batyrlardaı taýlary. Jer júregi Mekke de, jer kindigi, Jetisýda jol taraby qaýlady. Ál-Farabı týǵan qala Otyrar, Syılaǵandy júzmizde oty bar, Bilim órbip domalap ta , dóńgeler, Dońǵalaqtyń dońǵalarǵa joly bar. Beıbit sózi ózi kelip qonǵandaı, Dúrdarazym kıgiz úıde tonǵandaı. Kıgiz úıden shyqqan tekti qazaqpyz, Syılastyǵym úıimizde turǵandaı. Ózim emes, ózge deser halyqpyz, Ózge desip jer asylynda alyppyz Dúrildegen soǵys oty jaıparda, Ot aýzyna erkimizben baryppyz. Qadam nyqtap keń ıyqpen jaralǵan, Ózdiginen tórt tústikke taralǵan. Altyn túkti, bolat tisti, almas kóz, Barys edik jańa týǵan qarańnan!

TÓREHAN Arystan