Shetelde boı tasalap júrgen taǵy bir sheneýnikke qatysty jańa derek shyǵyp jatyr.

Qazaqstan bıligi Shvesarıada turyp jatqan Hrapýnovty jeke agenttikke ańdytypty. Barlaý mekemesine tipti, Mossadtyń eks-basshysy Meır Dagannyń ózi keńes bergen kórinedi.

Bul týraly osy eldiń basylymdary jarysa jazýda. Onda 2012-2013 jyldary "Arkaným" degen jeke barlaý qyzmetiniń Hrapýnovty ańdyǵany jazylǵan. Al tapsyrys berýshi Qazaqstan depti maqala avtory.

Agenttik osy qyzmeti úshin aı saıyn 250 myń dollar alypty. Barlaýshylar qashqyn sheneýniktiń ár basqan qadamyn ańdyp, sybaılastarymen almasqan hattaryn Qazaqstanǵa jiberip otyrǵan.

Aıta keteıik, Vıktor Hrapýnov Almatyny basqarǵan tusta jer telimderin gektarlap, al ákimshilik ǵımarattaryn ońdy-soldy satyp 2008 jyly bala shaǵasymen Shvesarıaǵa qashqan bolatyn.

Qur emes, memlekettiń 250 mıllıon dollaryn qoltyqtaı ketti. Qazir Shveısarıa men Lıhtenshteın bankterinde shot, birneshe fırma ashyp, shalqyp ómir súrip jatyr. KTK