«Báıterek» UBH-nyń enshiles kompanıasy – «Qazaqstannyń turǵyn úı qurylys jınaq banki» AQ bıyl «2020 jylǵa deıin óńirlerdi damytý» – «Qoljetimdi turǵyn úı–2020» baǵdarlamasy boıynsha óz baǵytyn tolyq kólemde iske asyrmaq. Banktiń baspasóz qyzmeti habarlaýynsha, salynyp jatqan nysandardy qarjylandyrý tolyq saqtalatyn bolady. QTQJB «Jas otbasyǵa arnalǵan turǵyn úı» jáne «Halyqtyń barlyq sanatyna arnalǵan turǵyn úı» atty eki baǵytyn ári qaraı da júzege asyra beredi. Birinshi sanat boıynsha 2 164 páter paıdalanýǵa berilse, al ekinshi sanat boıynsha Banktiń 5 923 salymshysy páter aldy. Bıyl jalpy aýdany 540 myń sharshy metr bolatyn turǵyn úıler paıdalanýǵa berý josparlanyp otyr (turǵyn úıdi paıdalanýǵa berýdiń jyldyq jospary – 300 myń sharshy m.). Qoljetimdi turǵyn úılerdiń bir sharshy metriniń baǵasy burynǵy kúıinde qalady. 2014 jyly Bank «Qoljetimdi turǵyn úı–2020» baǵdarlamasyn júzege asyrý qarqynyn tómendetken joq. Jyl qorytyndysy boıynsha, jalpy aýdany 429,3 myń sharshy metr bolatyn turǵyn úı nemese 7033 páter paıdalanýǵa berilgen. «Qoljetimdi turǵyn úı – 2020» baǵdarlamasy aıasynda turǵyn úı qurylys jınaq júıesiniń qarjysy tıimdi paıdalanylyp keledi. Bul memleket búdjetine túsetin salmaqty azaıtady. Máselen, turǵyzylǵan úılerdiń tólemi retinde Turǵyn úı qurylys jınaq banki 2014 jyly jergilikti atqarý organdaryna 34 mıllıard teńge aýdardy. Baǵdarlama júzege asa bastaǵannan beri, ıaǵnı 2012 jyldan beri ótken turǵyn úıler úshin Bank ákimdikterge 59,9 mıllıard teńge aýdardy. Esterińizge sala ketsek, «Qazaqstannyń turǵyn úı qurylys jınaq banki» AQ – «Báıterek» Ulttyq basqarýshy holdıńi» AQ-nyń enshiles kompanıasy. Holdıń ekonomıkany damytý jáne ártaraptandyrýǵa yqpal etý, ınvestısıa tartý, klasterlerdi damytý jáne onyń enshiles uıymdarynda korporatıvtik basqarý júıesin jetildirý maqsatymen qurylǵan.