Qazaq estradasynyń jaryq juldyzy Qaırat Nurtas keshe 26 jasqa toldy. Osyǵan oraı, Qaırat týraly eń qyzyq degen derekterdi jınaqtap kórdi.
1. Qaırat oryndaǵan ánderdiń bári nege "hıt" bolady?
Bul suraqqa jaýap izdegende Bekbolat Tileýhan Qaırat týraly aıtqan myna bir sózi eske túsedi: "Qaırattyń ánderin kóptegen jastar súıip tyńdaıdy. Demek Qaırat myńdaǵan tyńdarmannyń júrek qylyn sherte bildi" degen Tileýhan.
Bul sózben kelisýge bolady, Qaırattyń daýsynda ózine tán boıaý, romantıka, drama bar.
2. Qaırat Nurtas – tek qazaqsha sóıleıdi, kez-kelgen arnaǵa, gazet-jýrnaldarǵa tek qazaq tilinde suqbat beredi.
3. Qaırat Nurtas tek anasy Gúlzıra Aıdarbekovanyń arqasynda bas aınaldyrar tabysqa jetti me?
Qaırattyń óner shyńyn baǵyndyrýyna árıne, anasynyń prodúser retinde kómegi zor bolǵany shyndyq. Suqbattarynyń birinde Qaırat: "Anam maǵan keıde tipti damyl taptyrmaıdy. Tańerten Astanada, keshke Almatyda konsert beretin kezder kóp bolady. Keıde tipti "mama, jaqsylap demalaıyqshy" dep ótinetin kúnderim de boldy", degen edi ánshi.
Degenmen prodúserleri qansha súırese de jetistikke jete almaıtyn da ánshiler bar.
4. Qaıratty moıyndamaıtyn óner ıeleri de bar...
Qaırat Nurtastyń ónerin moıyndamaıtyndar qatarynda Roza Rymbaeva, Bıbigúl Tólegenova, Aınur Tursynbaeva sekildi óner ıeleri bar.
Roza Qýanyshqyzy: "Men "Aýyrmaıdy júrek" sekildi jeńil-jelpi ánderdi qabyldaı almaımyn, men óz atymnan brend shyǵaratyn Qaırat Nurtas emespin" dese, Aınur Tursynbaeva: Qaırat anasynyń arqasynda júrgen ánshi... qazaq tarıhynda onyń daýysy altyn árip bolyp jazylmaıdy.. keleshekte umytylady", degeni kópshiliktiń esinde.
Al Bıbigúl Tólegenova Qaıratty tyńdamaıtynyn, moıyndamaıtynyn aıtqan edi.
5. Qaırat óziniń otbasyly ekenin moıyndamaıdy...
Jaqynda ǵalamtorda Qaırat Nurtastyń tórtinshi perzentiniń dúnıege kelgendigi týraly aqparat tarady. Sábıdiń aty Han. Tórtinshi ret áke atanǵan belgili ánshiniń budan basqa Sezim, Alaý atty qyzdary, Narul atty uly bar ekeninen de kópshilik habardar.
Tek Qaırattyń ózi otbasy týraly eshqashan ashyp aıtqan emes. Óziniń jary men balalary týraly aıtpaq túgili, Qaırat óziniń úılengenin de "moıyndamaıdy".
Qaı qalaǵa barsa da Qaırat konsert barysynda: "Múmkin men boıdaq shyǵarmyn, osynda qalyńdyq izdep kelgen shyǵarmyn" dep arýlardy dámelendirip qoıýǵa qumar.
Aıtpaqshy, birtalaı jurt Qaırattyń Juldyzben ajyrasyp ketkenin, qazirgi kezde Batys óńiriniń bir qyzymen júretinin de japatarmaǵaı jazǵan bolatyn. Degenmen Qaırattyń tórtinshi balasynyń dúnıege kelgeni ras bolsa, demek ajyrasqany týraly aqparattyń jalǵan bolǵany. "Alash aınasy"
