Hodjaly qasireti-ázirbaıjan baýyrlardyń ǵana emes, túbi bir túrki halyqtaryna ortaq qasiret. Osydan 13 jyl buryn, 1992 jyldyń 25-inen 26-syna qaraǵan túngi surapyl shabýylda júzdegen beıbit turǵyn solaqaı saıasat pen aram pıǵyldardyń qurbany boldy. Ondaǵan búldirshinniń baqytty balalyq shaǵy oqqa baılanyp, ondaǵan aıaǵy aýyr kelinshektiń qursaǵyndaǵy sharanasy jatyrynda tunshyqty. Alladan bala-shaǵasynyń amandyǵyn tilep, otbasynyń kıesi bop otyrǵan qanshama qarıa qapıada qaza tapty.
Hodjalydaǵy qandy qyrǵyn endi birde bir elde qaıtalanbaýy tıis. Eshbir eldiń ashyq aspanyn bult baspasyn. Ol úshin halyqaralyq zańdardy belshesinen basatyndardy tezge salý qajet. Ázirbaıjan prezıdenti janynan qurylǵan Úkimettik emes uıymdardy qoldaý Memlekettik keńesiniń Armenıa prezıdenti Serj Sargsánǵa qatysty petısıasyn qoldaımyn! Taýly Qarabaqtaǵy saıası oıyndar saldarynan qanshama adam zardap shekti. Sondyqtan ádilettiliktiń ornaǵanyn qalaımyn. Biz Ázirbaıjannyń terıtorıalyq tutastyǵyn qalaımyz. Hodjalydaǵy qandy qyrǵynǵa kinálilerdi jazalaýǵa qulshynǵan ázirbaıjan baýyrlarmen birge bolýǵa shaqyramyz!!! Hodjalyda armán áskerleri bala-shaǵa, aıaǵy aýyr áıel, qarıa demeı, malsha baýyzdady. Sol kúni shabýyldaǵan áskerlerdiń komandıri qazirgi prezıdent Sargsán (Sarkısán) bolǵan eken. Endi ázirbaıjan baýyrlar halyqaralyq sotqa júginbek.
QR «Túrkitildes jýrnalıser qory»
