Jýyrda EF Education First  – shet tilin oqytý, bilim berý jáne mádenı qundylyqtarmen almasý salasynda qyzmet jasaıtyn halyqaralyq bilim berý uıymy arnaıy júrgizgen saýalnama qorytyndysy boıynsha qazaqstandyqtaryń  aǵylshyn tilin meńgerý kórsetkishi óte tómen deńgeıdi kórsetken dep habarlaıdy  Qamshy.kz  portaly.

Atalmysh saýalnamaǵa 63 eldiń 18 den 34 jasqa deıingi aralyqtaǵy er jáne áıel azamattyry qatysqan.   Saýalnama qorytyndysy kórsetkendeı Qazaqstan aǵylshyn tilin nashar meńgergen elderdiń qataryna kirip, 54-satyǵa oryn tepken.    Al aǵylshyn tilin jetik meńgergen elderdiń kóshin  Skandınavıa elderi  bastap tur.   Al Azıa memleketteri arasynda  aǵylshyn tilin meńgerý deńgeıi ártúrli, joǵarǵy deńgeıden óte tómen deńgeıge deıingi, damýdan turaqty toqyraýǵa  deıingi aralyqta ózgeshelenedi. Ońtústik-SHyǵys Azıanyń úsh memleketi - Indonezıa, Taıland, Vetnam búkil álem boıynsha aǵylshyn tilin meńgerý jaǵynan eń joǵarǵy kórsetkishti kórsetse, bul elderdiń qataryna  Gonkong, Taıvan men Japonıa da qosylady.

Latyn Amerıkasy, Taıaý Shyǵys pen Soltústik Afrıkadaǵy elderdiń barlyǵy derlik tómen nemese óte tómen deńgeıdi kórsetken. Argentına, Domınıkan Respýblıkasy jáne Birikken Arab Ámirlikteri aǵylshyn tilin meńgerý jaǵynan ortasha deńgeıdi kórsetip, ózderi ornalasqan aımaqtarda kósh bastap tur.

2014 jyldyń 12 qarashasynda jarıalanǵan EF EPI ındeksiniń tórtinshi basylymyna sáıkes álem boıynsha aǵylshyn tilin meńgerýmen baılanysty jaǵdaı kelesideı kórinis taýyp otyr: Danıadaǵy eresek turǵyndardyń aǵylshyn tilin shet tili retinde meńgerý deńgeıi óte joǵarǵy deńgeıde, odan keıingi oryndy Nıderlandy men Shvesıa alyp otyr. Soltústik Afrıka men Taıaý Shyǵys  halqy eń nashar nátıjeni kórsetti. Aǵylshyn tilin meńgerý deńgeıi búkil álem boıynsha ár túrli.

«Aǵylshyn tili kásibı, mádenı jáne ekonomıkalyq qundylyqtarmen almasýǵa arnalǵan mańyzdy tuǵyr bolyp tabylady. EF EPI arqasynda tildi meńgerýdiń mańyzdylyǵy búkil álem boıynsha artty», - dep atap ótti EF Education First Akademıalyq máseleler jónindegi vıse-prezıdenti, doktor Krıstofer Makkormık.

 Aǵylshyn tilin meńgerý deńgeıine arnalǵan EF ındeksiniń 2014 jyldaǵy nátıjeleri