Máńgili el bolýdy murat etken, Kereı men Jánibekter irgesin qalap ketken. Elime bıyl 550 jyl tolyp otyr, Qutty bolsyn qazaǵym tól mereken! Qara óleńdi qara sýdaı sapyraıyn, Qazaǵymnyń tarıhyn men jyrlaıyn. Abylaı syndy uly handardy aıtyp, Ulylardyń ulylyǵyn jyrlaıyn. Bógenbaıdaı batyrlarym el qorǵaǵan, Qolyna qarý alyp jaýǵa shapqan. Qazybekteı bılerim daý doǵarǵan, Táýke, Esim, Qasym handar zań shyǵarǵan. Isataı men Mahambet, Kenesarym, Azattyq úshin kúresken batyrlarym. Qazaǵymdy bilimmen sýsyndatqan, Ahmet pen Ybyraı atalarym. Birjan sal men Aqandardyń ánderi, Qulaqtan kirip boıdy alǵan. Abaı men Jambyldardyń jyrlary, Talaı jandy tamsandyryp, tańqaldyrǵan. Aqqan juldyzdaı jarq etip sóne qalǵan, Shoqannyń eńbekteri baǵalanǵan. Keshegi Álıhan men Mirjaqyptar, Salt- dástúrin, tilin, dinin berik tutqan. Reıhstagqa tý tikken Raqymjanym, Erligimen kózge túsken Baýyrjanym. Uly Otan soǵysy jyldarynda, Qazaǵymnyń dańqyn shyǵarǵan batyrlarym. Qaırat penen Erboldaı erlerimiz, Lázzat penen Sábıradaı qyzdarymyz. Táýelsizdik jolynda qurban boldy, Biz sizderdi eshqashan umytpaımyz. Jeńis týy kóterildi kók aspanǵa, Qýandyǵoı qarıada jas balada. Táýelsizdik alǵan kúnnen bastap, Tamsandyǵoı shet elder Qazaqstanǵa! Nurahmet Erden – 1999 jyly Almaty oblysy Aqsý aýdany Qarashilik aýylynda dúnıege kelgen. Qazirgi tańda Qarashilik orta mektebiniń 9- synyp oqýshysy