Jyraq júrseń aıtatyn ańsap atyn, Tastary da jańǵyryp tamsanatyn. Qasıetty Qazaqtyń dalasy bul _ Ańqyldap samaly da qarsy alatyn! Turmassyń shabyt kernep ala surmaı, Tartqanda bebeýletyp dala syrnaı. Dalań _ anaý, saıaly qalań _ mynaý, Dalasy qalasyna jarasýy- aı! Bári aman - Kaspı, Aral, Balqash bári… Tarıh shomǵan dalamnyń orqashtary… Qazaq deseń Qazaq dep qaıtalaıdy, Qymbatty otanymnyń jartastary! Kereı men Jánibekteı dara tulǵań, Rýhy-bıik, namysy- ór jaratylǵan. Kereı sultan eń alǵash han atanyp, Shý boıynan shejyrem taratylǵan… Áńgimemiz endeshe bolar tyńnan, Alataýdyń Alpydan sáni artydǵan. Kógildir kartadaǵy _ qazaq jeri… Jalǵannyń jartysyndaı anaaý turǵan. Shýaq quıyp jaınatqan tańnyń aldyn, Erkińde qaı bóeterdi án qylaryń. Ataqty Qasym, Esim, Táýke handar Qaısy belde bekitti jarǵylaryn... Talaıdyń atyn jurtqa jaıǵan myna, Berer jer oıdamdy da, tolǵamdy da. Ataqty Qadyrǵalı Qosymuly, Osynda kóp tarıhqa oılandy ma?!... Jurty úshin jer uıyqqa bolǵan ǵashyq, Jelmaıa- ǵumyr solaı taýlardy asyp. Eles pe, alde, shańqaı tús, uly túzde, Asanqaıǵy barama mańǵaz basyp?... Qozǵalar bilim jaıly bir yntalyq, Sáýleli juldyzdardyń nury tamyp. Sol asyl kóktemderde kóktegen –aý, Óteıboıdaq oılary búrin jaryp. Tıtimdeıin shuńqyrǵa atan da ólip, Qıyn qystaý bir kezder qatar kelip, Tóle, Aıteke, Qazybek keńes qursa, Jatatyn esik aldyn maqal kómip. Bar álem otanymdy bilgen- di endi, Uly handar qan-teri sińgen jerdi. Bul kúni aq qar basyp jatyrma eken, Abylaı sarbazdary júrgen joldy… Sol uly sarbazdardyń órkeni ósip, Ult tadyryn tańdady jelken etip. Eń alǵash Qasym sultan qaısy jerde, Han Keneni otyrdy erkeletip. Mártebeńdi qanshama asyrdy ulyń, Kótergen eri qansha ǵasyr júgin. Uly Abaı qaı jerinde oıǵa batyp, Qaı jerinde jazdy eken asyl jyryn… Bolmaıtyn tamaǵyńdy búlkildetip, Ótkengi áńgńmege bir kún berip. Otyrý qandaı rahat ulylardyń, Osy uly mekeninde bir syr shertip. Táýelsizdik dep endi án aıtamyn, Senemiz baǵymyzdy molaıtaryn. Elim meniń,"Árkimniń týǵan jeri- Astana shárisindeı" dep aıtamyn. Jurtymyz aı sharynan hat alysqan, Talǵat, Toqtar uldary qatar ushqan. Dál osylaı kórkeıip jasa máńgi, Táýelsiz, baqytty elim _ Qazaqstan! Uly sáýle túskendeı ǵalamǵada, Baqytty, erkin kúıge engen dalam jańa. Qýan endi, Keń dalam - bul kók baıraq, Jelbireımin dep tur ǵoı saǵan ǵana!

(Ál-Farabı atyndaǵy Qazaq Ulttyq Ýnıversıteti)