AQSH-tyń tanymal Forbes iskerlik jýrnaly  2015 jyly naýryzdaǵy maǵlumattar boıynsha álemniń eń baı adamdarynyń tizimin jasaǵan bolatyn.

Reıtıńke qazaqstandyqtardyń ishinde bes azamat - Bolat Ótemuratov, Álıjan Ibragımov, Tımýr men Dınara Qulybaevtar, Vladımır Kım kirip otyr.

Eń baı qazaqstandyq dep QR Tenıs federasıasynyń prezıdenti, kásipker Bolat Ótemuratov tanyldy. 57 jastaǵy kásipkerdiń baılyǵy shamamen 2,6 mlrd. dollarǵa teń. Byltyr onyń qarajaty 2,2 mlrd. dollarǵa teń bolatyn. Jalpy tizimde Ótemuratov 714-orynda tur. Ótemuratovtyń eń birinshi iri jobasy - «ATF Bank» kompanıasy boldy. Ony kásipker Italıanyń UniCredit kompanıasyna satyp, mol tabys tapty. Keıin mıkronesıeler beretin Kassa Nova  men kásipkerlerge qyzmet isteıtin  ForteBank bankterin ashty. Byltyr mıllıarder «Samuryq-Qazyna» qorynan Temirbank jáne Alánsbank banktarynyń belgili kólemdegi aksıalaryn satyp alǵan bolatyn. Sonymen qatar Bolat Ótemuratovtyń ıeliginde Qazaqstanda jáne ózge de elderde qonaqúıler jelisi bar.

Qazaqstandyq mıllıarderlerdiń ekinshi ornyn álemniń eń iri óndirýshilerdiń biri ENRC kompanıasynyń aksıoneri jáne «Eýrazıalyq bank» AQ Álıjan Ibragımov ıelendi. Ken óndirý arqyly baıyǵan kásipkerdiń bar baılyǵy 2,2 mlrd. dollarǵa baǵalanǵan. 2014 jyly bul kórsetkish 1,7 mlrd. dollar shamasynda boldy. Forbes tiziminiń jalpy reıtıńisinde ol 847-orynda.

Al Qulybaevtar januıasy 894-orynǵa jaıǵasqan. Olardyń árqaısysynda 2,1 mlrd. dollardan bar. Byltyr olardyń baılyǵy 1,8 mlrd. dollarǵa baǵalanǵan bolatyn. Jýrnal olardyń qyzmet salasyn bank isi dep kórsetken. Dınara Qulybaeva Qazaqstannyń halyq banki kompanıasynyń aksıoneri ekeni belgili. Tımýr Qulybaev bolsa, Qazaqstannyń munaı-gaz sektorynda iri oıynshylardyń biri.

Ol Reseıdiń eń iri munaı-gaz kompanıasy - «Gazpromnyń» dırektorlar keńesiniń múshesi, «KAZENERGY» qaýymdastyǵynyń, Qazaqstan kásipkerler palatasynyń Prezıdıým basshysy jáne Qazaqstan boks federasıasynyń prezıdenti bolyp tabylady.