Búgin, 3-naýryz kúni, kórermenniń kózaıymyna aınalǵan «Syrǵalym» serıalynyń jalǵasy «Qazaqstan» telearnasynan kórsetile bastaıdy. «Syrǵalym» –  Ol ákesiniń eski dosynyń qyzyn óz otbasylaryna qabyldaǵan zamanaýı qazaq otbasynyń ómiri týraly syr shertedi. Negizgi áreket bank keńsesinde órbıdi: bas keıipker, bir jaǵynan, mansabyna jetý úshin eńbek jolyn bastasa, ekinshi jaǵynan, otbasyn saqtap qalýǵa bar kúsh jigerin salady.

Bas keıipkerdiń rólin aktrısa Juldyz Mahanova somdaıdy. Sújetke sáıkes kórermender telehıkaıanyń kelesi bólimderinde teatr jáne kıno akterleri Lıdıa Kadenova, Sáken Raqyshevtar somdaǵan jańa keıipkerlermen tanysady, shytyrman sújetke tán aram oılar, kúrdeli jeke tulǵalyq qatynastar men qupıalar osy telehıkaıada toǵysqan.

Qoıýshy-rejısseri, senarı avtory Rashıd Súleımenov «Syrǵalym» telehıkaıasyn jasaýshylar ıdeologıa faktoryna kóp mán bergenin atap ótti.

Telehıkaıada tabıǵatta túsirý boljanbaǵanymen, bul fakt onyń tartymdylyǵyna áser etpeıdi. Ekinshi maýsymda 1000 kv.m. aýdanda ornalasqan táýelsiz Qazaqstannyń serıal tarıhyndaǵy eń qymbat dekorasıalar paıdalanyldy. Birinshi maýsymdy tamashalaǵan kórermender ekinshi maýsymnan tanys pavılondy kóre almaıdy. Barlyq dekorasıalar qaıtadan jasaldy.

Telehıkaıa orys tilindegi ilespeli júgirtpe joldar arqyly qazaq tildi jáne orys tildi aýdıotrıaǵa da teń dárejede qoljetimdi bolady.

2014 jyldyń basynda kórsetilgen «Syrǵalym»telehıkaıasynyń birinshi bólimi kún saıyn mıllıonǵa jýyq kórermender aýdıtorıasyn jınaǵan bolatyn. Telenovella respýblıka tarıhynda talap etilgen telehıkaıalardyń tizimine endi. Alǵash ret qazaq tilindegi ónim orys tilindegi reıtıńtik telehıkaıalar men baǵdarlamalarǵa básekeles bola aldy. Ótken maýsymdaǵy 48 serıalyq «Syrǵalym» qazaqstandyq televızıadaǵy eleýli oqıǵa boldy.

Telehıkaıa «2014 jylǵy úzdik telehıkaıa» nomınasıasyn ıelense, bas róldi somdaǵan aktrısa Juldyz Mahanova «2014 jylǵy Úzdik aktrısa» atandy.

«Syrǵalym» telehıkaıasynyń ekinshi maýsymy «Qazaqstan» telearnasynyń efırinen 3-naýryz kúni saǵat 21.50-de kórsetile bastaıdy.