Naýryzdyń 3-inen 4-ine qaraǵan túni Almatyda Mega Almaty saýda oıyn-saýyq ortalyǵynda qarýlanǵan shabýyl oryn aldy.

Kásipkerge shabýyl saýda núktelerindegi tólem termınaldarynan kúndizgi tabysty jınap júrgen kezde jasaldy. Bul týraly NUR.KZ qalanyń İshki ister basqarmasyna silteme jasap habarlaıdy. Bolǵan oqıǵaǵa qatysty qylmystyq is qozǵaldy. Qaskóıler kásipkerlerdi travmatıkalyq qarýmen qorqyta otyryp, 500 myń teńgesin tartyp alǵan. Qylmyskerlerdiń kólikpen izin sýytqany ǵana belgili. İİB-niń habarlaýynsha, qazir arnaıy jedel-tergeý toby qurylyp, kúdiktilerdiń ornyn anyqtaý jáne ustaý boıynsha jumystar júrgizilip jatyr. Buǵan deıin jýrnalıs Polına Shımanskaıa óz Facebook paraqshasynda: "Meganyń syrtynda 5 blokta shabýyl oryn aldy. Bári jabyq, kólikterdi túgel tekserip jatyr. Basy-qasynda bolǵandar atys jáne ınkasatorlarǵa shabýyl bolǵanyn estip-kórgenin aıtty", - dep jazǵan bolatyn. Anyqtalǵandaı, jeke kásipker ınkasasıa kezinde qaýipsizdik sharalaryn tıisti deńgeıde saqtamaǵan. Ol tólem termınaldarynan aqshany jınaý kezinde qasynda tek óz týystaryn alyp júrgen.