QHA keńesinde usynylǵan kezekten tys   Prezıdent saılaýyn ótkizý bastamasyn Úkimet músheleri men qos palata depýtattary, eldegi barlyq saıası partıalar men uıymdar bir aýyzdan qoldaǵany belgili. Tipti, Memleket basshysy N.Á.Nazarbaevtyń ózi bıyl saılaý ótkizý ıdeıasyna ruqsatyn da bergen bolatyn. Iaǵnı,  sáýirde Qazaqstanda Prezıdent saılaýy ótetini jarıa boldy. Al qazir jurt arasynda ózderin prezıdenttikke úmitker retinde kórsetip júrgen úsh adam bar. Olar - QMO tóraǵasy- Murat Telibekov,  QR "Tabıǵat" qorynyń tóraǵasy- Mels Eleýsizov jáne "Attan" qozǵalysynyń jetekshisi - Amantaı qajy. Osyǵan oraı Qamshy.kz portaly aldaǵy saılaýda Prezıdenttikten  úmitker úsheýiniń  saılaýǵa qatysty pikirlerin bilgen bolatyn.

Birinshi bolyp QMO tóraǵasyna habarlasyp ek, tutqanyń ar jaǵynan kijireıe jaýap qatty ol. Sizben aldaǵy bolatyn saılaýǵa qatysty pikirińizdi bilsek dep edik degen suraǵymyzǵa, "qazir jaýap bere almaımyn. Maǵan "Feısbýkke" jazyńyzshy" dedi. Bir degennen qazaq tilinde qoıǵan suraqtarymyzǵa qysylsa da, jaýap berdi. - Murat aǵa, aldaǵy bolatyn saılaýǵa sizdiń kandıdatýrańyzdy kimder usynyp otyr? - Meni usynǵan Qazaqstan Musylmandary. - sizdi usynyp otyrǵan uıym jalpy tirkelgen be? - Almatyda, Ádilet baqarmasyna tirkelgen. Qudaıym-aı! Myń ret osyny aıttym. Saılaýǵa onyń ne qatysy bar? - Atalmysh uıymǵa (QMO) qansha kisi múshe, jalpy sizdiń kandıdatýrańyzdy qansha kisi qoldap otyr? -  Qazaqstan Musylmandary Odaǵyna  523 747 kisi múshe. Al qoldap otyrǵandar 1 456 329 kisi. - Eger sizdiń ótinishińizdi qabyldap jatsa, qandaı baǵdarlama usynasyz? - Baǵdarlamany myna jerden oqyńyz (orys tildi saıttyń siltemesin berdi) - Aǵa, qazaqsha nusqasy joq pa? - Ókinishke oraı, joq.

Al kelesi úmitker ekolog Mels Eleýsizovke habarlasyp ek, ýaqyt bólip suhbat berýge kelisti. -Allo, Mels aǵa! - da, da, govarıte... - Aǵa bul "Qamshy" portalynan mazalap tur. Aldaǵy ótetin saılaýǵa qatysty pikirińizdi bilsek dep edik. Siz óz kandıdatýrańyzdy usynǵan ekensiz... - Endi,  ony kóremiz. Eger meni tirkeıtin bolsa usynamyn. Qarajat kerek qoı oǵan da. - Naqty sheshim qabyldamaǵanyńyz ǵoı... - Naqty sheshim áli qabyldamadym. - Eger úmitkerlikke usynylyp jatsańyz, qandaı uıym nemese odaqtyń atynan usynylasyz? Sizdiń kandıdatýrańyzdy kimder usynýy múmkin? - Óz atymnan shyǵamyn. Oryssha samovydvıjenıe deıdi ǵoı. - Saılaý aldy baǵdarmalańyz qandaı bolmaq? - Meni tirkegen joq. Tirkegennen keıin ǵana men óz baǵdarlamamdy aıtatyn bolamyn.

              Melstiń mardymsyz jaýabynan soń, Almatynyń kóshelerin jaıaý kezip, burysh-buryshqa qaǵaz ilip, Attandap aldyńǵylardyń biri bolyp júretin  úmitker áıgili  attanshy Amantaı qajyǵa habarlastyq. - Aǵa, aldaǵy saılaýǵa siz óz kandıdatýrańyzdy usynǵan ekensiz... - Usynǵanda qandaı. Usynyp, úlken bir jeńisti, tabysty bolsam ba deımin halqymmen birge. - Saılaýǵa qandaı baǵdarlamamen kelesiz? - Qazaq halqyn máńgi jasaıtyn ımandy memlket bolsyn degen uranmen kelem. - Sonda siz kezinde ózińiz qoldaǵan Elbasymen birge saıysqa túspeksiz ǵoı... -  Men Elbasyn qoldaımyn. Biraq, qazir onyń aınalasyna jınalǵandar qurtyp otyr. "Banda" dep. Men ony 20 jyl buryn aıtqam. Men Prezıdentke úlken tilektespin. Meniń qolymnan ol zám-zám sý iship, Mekkeniń táspisin alǵan. Sondyqtan men oǵan tilektespin, árıne. 26 sáýirdegi bolatyn Prezıdent saılaýyna Elbasy Nursultan Nazarbaevqa básekeles bolyp qatysatyn úmitkerlerdiń túri osy boldy. Telibekovtiń tili kúrmelip júrip bergen jaýabyna qarap, "qazaq tilinen" emtıhandy qalaı tapsyrǵaly júrgenin uǵyna almadyq. Aýyzsha til qatysýǵada jaramady. baǵdarlamasy Reseıdiń memlekettik tilinde daıyndalǵan. Al tabıǵattyń jalǵyz janashyry "Tabıǵat" qorynyń tóraǵasy Melstiń saılaýǵa túsýge aqshasy joq eken. Aqsha bolsa bári de bolady dep sendirdi ol. Al Amantaı qajynyń jaıy bárińizge belgili....